နောက်ဆုံးတိုက်ပွဲ (လစ်ဗျား)

👇​သေချာဖတ်​စေချင်တယ်

■ နောက်ဆုံးတိုက်ပွဲ (လစ်ဗျား)

တော်လှန်ရေးတွေမှာနောက်ဆုံး သို့မဟုတ် အထွတ်အထိပ်တိုက်ပွဲက မြို့တော်သိမ်းတဲ့တိုက်ပွဲတွေ ဖြစ်ပါတယ်။ လစ်ဗျားနိုင်ငံမှာ အာဏာရှင်ဂဒါဖီလက်ထဲက မြို့တော်ထရီပိုလီကို သိမ်းပိုက်ဖို့ ဒီမိုကရေစီတော်လှန်ရေးသမားတွေ အကြမ်းဖက်လက်နက်ကိုင်နည်း၊ အကြမ်းမဖက်နိုင်ငံရေးအံတုနည်းတွေနဲ့ ဘယ်လိုကြိုးစားခဲ့ကြတယ် ဆိုတာကို ကျနော်တို့ရဲဘော်တွေ လေ့လာအတုယူနိုင်အောင် မျှဝေလိုက်ပါတယ်။

တိုက်ကွက်-၁

ဖေဖော်ဝါရီ ၂၀ ရက်နေ့ ထရီပိုလီမြို့တော်မှာ ဆန္ဒပြပွဲတွေ ပေါက်ဖွားလာချိန်မှာ အသက် ၃၀ အရွယ် သွားဖက် ဆိုင်ရာဆရာဝန် နီဇာမှာနီ ဟာ အင်္ဂလန်နိုင်ငံ ကာဒစ်ဖ်မြို့ သွားဆေးခန်းတခုမှာ အလုပ်လုပ်နေတာ ဆယ်နှစ်ကျော် နေပြီဖြစ်ပါတယ်။ မိခင်နိုင်ငံက ဒီမိုကရေစီတိုက်ပွဲသတင်းကြားရတဲ့အခါ သူဟာ ချက်ခြင်းဘဲအထုပ်အပိုး တွေပြင်ပြီး ရရာလေယာဉ်နဲ့ အမြန်ပြန်လာခဲ့ပါတယ်။ သူပြန်ရောက်ချိန်မှာ အာဏာရှင်အစိုးရက အကြီးအကျယ်ဖြိုခွဲနှိမ်နင်းနေ တဲ့အချိန် ဖြစ်နေပါပြီ။ 

ဒါကြောင့် သူဟာ နဂိုမျှော်လင့်ထားသလို ဆန္ဒပြပွဲထဲ ဝင်မနွှဲနိုင်ဘဲ ထိတ်လန့်ခြောက်ခြားနေတဲ့ မြို့တော်ထဲမှာ စစ်အစိုးရ ပြောရေး

ဆိုခွင့်ရှိသူ မူဆာအီဘရာဟင်က အခြေအနေတွေအားလုံး ကောင်းနေပြီ၊ ခေါင်းဆောင်ကြီးဂဒါဖီ နောက်မှာ ပြည်သူလူထုတွေ ခိုင်ခိုင်မာမာရပ်တည်နေတယ် ဆိုတဲ့လေလုံးတွေ နားထောင်နေရပါတယ်။ 

အဲဒီဝါဒဖြန့်ချက်တွေကိုတန်ပြန်ပြီး တော်လှန်ရေးမီးတောက်ကို ဆက်လက်ထွန်းညှိဖို့၊ လူထုစိတ်ဓာတ်ကို ဆက်လက် မြှင့်တင်ဖို့အတွက် တခုခုလုပ်ရမယ်လို့ နီဇာမှာနီက ခံယူခဲ့ပါတယ်။

 တကယ်တော့ သူ့မှာ မြေအောက် နိုင်ငံရေးလှုပ်ရှားမှု အတွေ့အကြုံ ဘာမှမရှိခဲ့ဖူးပါဘူး။ ဘာသင်တန်း မှလဲ မတက်ဖူးပါဘူး။

ဧပြီလမှာ သူနဲ့ မိတ်ဆွေ တဒါဇင်လောက်ဟာ မြို့တော်အလယ်ဗဟိုမှာ အရုဏ်ဦးဆန္ဒပြပွဲတခု ကျင်းပခဲ့ပြီး မျက်နှာကို ပုဝါစည်းလျက်နဲ့ အာဏာရှင်ကို ရှုံ့ချတဲ့ကြေညာချက်ကို ဖတ်ပြခဲ့ပါတယ်။ ဒါတွေအားလုံးကို ဗီဒီယိုရိုက်ထားခဲ့ပါတယ်။

သူဟာ အစပိုင်းမှာ မသိနားမလည်တဲ့အတွက် သူ့နာမည်ရင်း နဲ့ ဂျီမေးလိပ်စာကိုသုံးပြီး လစ်ဗျားနိုင်ငံရောက် ဝါရှင်တန် ပို့စ် သတင်းထောက်ကို ဆက်သွယ်ခဲ့ပါသေးတယ်။ ဒါပေမဲ့ မကြာခင်မှာဘဲ လုံခြုံရေးကို သဘောပေါက်လာပြီး တင်း တင်းကြပ်ကြပ်သတိရှိခဲ့ပါတယ်။ ဘင်အစ္စာ ဆိုတဲ့ ရှေးဟောင်းနာမယ်ဝှက်ခံပြီး သူ့ဝမ်းကွဲညီရယ်၊ အင်မတန်ရင်းနှီးတဲ့ သူငယ်ချင်းနှစ်ယောက်ရယ် အတူတွဲပြီး 'လွတ်လပ်တဲ့မျိုးဆက်လှုပ်ရှားမှု' ဆိုတဲ့အဖွဲ့ကို ထူထောင်ခဲ့ပါတယ်။

ထရီပိုလီမြို့မှာ သူ့လိုဘဲ လူထုတိုက်ပွဲကို ဆက်လက်ရှင်သန်အောင် ကြိုးစားနေတဲ့ တခြားအဖွဲ့လေးတွေလဲ ရှိကြပါ တယ်။ သူတို့ဟာ အသေးစားဆန္ဒပြပွဲလေးတွေ လုပ်ကြသလို တခါတလေ အစိုးရစစ်ဆေးရေးဂိတ်တွေကို လက်နက် ကိုင်တိုက်ခိုက်ကြပါတယ်။ ဒါပေမဲ့ နီဇာကတော့ အကြမ်းမဖက်အာဏာဖီဆန်ရေးသက်သက်ကို ဇောင်းပေးပါတယ်။ သူ့ရဲ့ ငြိမ်းချမ်းတဲ့လှုပ်ရှားမှုတွေဟာ အယ်လ်ဂျာဇီးရား ရုပ်သံလိုင်းနဲ့ ကမ္ဘာ့မီဒီယာတွေပေါ် ရောက်သွားခဲ့ပါတယ်။

ဖေဖော်ဝါရီလူထုတိုက်ပွဲ ဖြစ်တဲ့အခါ လစ်ဗျားအစိုးရက အင်တာနက်ကိုပိတ်ပစ်ခဲ့ပါတယ်။ ဒါပေမဲ့ နီဇာ့ညီဝမ်းကွဲ ၂၆ နှစ်အရွယ် မွတ်က်တာမှာနီဟာ အစိုးရဝန်ထမ်းအိုင်တီကျွမ်းကျင်သူပီပီ အစိုးရအင်တာနက်ထဲ ဖောက်ဝင်၊ အစိုးရ ဂြိုလ်တုဆက်သွယ်ရေးစလောင်းကိုသုံး၊ ဆန္ဒပြပွဲသတင်းတွေ အရုပ်တွေကို ပြင်ပကမ္ဘာကို ဖြန့်ပေးခဲ့ပါတယ်။ 

ရက်သတ္တပတ်အနည်းငယ်အတွင်း သူတို့ရဲ့အာဏာဖီဆန်ရေးလုပ်ရပ်တွေ ကမ္ဘာတလွှားကရုပ်သံလိုင်းတွေပေါ် ရောက်သွားတဲ့အခါ သူတို့ဟာ အစိုးရအနေနဲ့ အင်​တာနက်လမ်းကြောင်းကနေ

သူတို့ဆီခြေရာခံနိုင်မယ်လို့​

 တွက်ပြီး မွတ်က်တာလုပ်တဲ့ အစိုးရရုံး ခေါင်မိုးပေါ်က ၁.၈ မီတာ ဂြိုလ်တုစလောင်းတခုကို အသာဖြုတ်ခိုးခဲ့ပါတယ်။ လူထု အုံကြွမှု ဖြစ်ပြီးကတည်းက အစိုးရဝန်ထမ်းတွေကလဲ ရုံးမတက်ကြတော့တဲ့အတွက် စလောင်းကြီးကို အေးအေးဆေး ဆေးမ လာနိုင်ခဲ့တာ ဖြစ်ပါတယ်။ ဒီစလောင်းနဲ့ဘဲ ပြင်ပကမ္ဘာကို တိုက်ရိုက်ချိတ်ဆက်ခဲ့ပါတယ်။ စလောင်းကိုတော့ မကြာခဏ နေရာရွှေ့ပေးပါတယ်။

နီဇာနဲ့ရဲဘော်တွေဟာ နက်-နီ-စိမ်း လစ်ဗျားအလံဟောင်း (ဝါ) သူပုန်အလံကို ညဖက်မှာ တံတားတွေမှာ ချိတ်ဆွဲ၊ လမ်းမတွေပေါ် မှုတ်ဆေးနဲ့ဖြန်း လုပ်ခဲ့ကြပါတယ်။ မီးပုံးပျံတွေမှာ အလံချိတ်ပြီး အရုဏ်တက်မှာ လွှတ်တင်တာလဲ လုပ်သလို လမ်းဒေါင့်တွေမှာ လော်စပီကာတွေဆင်ပြီး နိုင်ငံတော် သီချင်းဟောင်း လွှင့်တာလဲ လုပ်ခဲ့ပါတယ်။ အရေး အကြီးဆုံးက ဒီလုပ်ရပ်အားလုံးကို ဗီဒီယိုရိုက်ပြီး သတင်းထုတ်လွှင့်တာဘဲ ဖြစ်ပါတယ်။

ဒီ ဗီဒီယိုသတင်းတွေကို သတင်းဌာနတွေဆီပို့လိုက်တဲ့အခါ လူထုတွေအူလှိုက်သဲလှိုက်ချစ်တဲ့ဂဒါဖီ ဆိုတဲ့ မဲပြာပုဆိုး အစိုးရသတင်းထုတ်ပြန်ချက်တွေနဲ့ ကွဲလွဲပြီး သက်ဝင်လန်းဆန်းလှတဲ့အတွက် မီဒီယာလောကမှာ အင်မတန်ပေါက်ခဲ့ ပါတယ်။ ပြည်တွင်းပြည်ပသတင်းထောက်တွေဟာ ဂဒါဖီ ပြန်ကြားရေးက ပြောတာကိုဘဲ သတင်းပို့နေရချိန်မှာ နစ်ဇ် ဆိုတဲ့နာမယ်နဲ့ ပြင်ပကမ္ဘာကို ထရီပိုလီမှာ ဂဒါဖီက ဘယ်လောက်ဖိနှိပ်တဲ့ကြားထဲက တော်လှန်ရေး ဆက်ရှင်သန်နေ ဆဲဖြစ်ကြောင်း အထောက်အထားနဲ့ ခိုင်ခိုင်လုံလုံသတင်းဖြန့်နိုင်ခဲ့ပါတယ်။

 နီဇာဟာ သတင်းတွေကို အီးမေး၊ စကိုင်ပီ အပြင် သတင်းထောက်တွေနဲ့ လျှို့ဝှက်ချိန်းတွေ့ပြီးတော့လဲ ပေးခဲ့ပါတယ်။ 

နီဇာ့မိသားစုကတော့ တခါတလေ သူ့ကိုထောက်ခံလိုက် ("နင်က ငါတို့မိသားစုကို ဂုဏ်တက်အောင်လုပ်ပေးနေတာ")၊ တခါတလေ ကြောက်လန့်တုန်လှုပ်လိုက်("နင့်ကြောင့် အကုန်ဒုက္ခရောက်ကုန်မယ်ဟဲ့") ဖြစ်ကြပါတယ်။ ဂဒါဖီအစိုးရ ဟာ သူ့လုပ်ရပ်တွေကို ဒေါကန်လွန်းအားကြီးလို့ အကြီးအကျယ်ထောက်လှမ်း လိုက်ရှာခဲ့သလို အစိုးရတီဗီလိုင်းကနေ ပြီးတော့လဲ သတ်ပစ်ရမယ့်ကြွက်တကောင်လို့ သူ့ကို ဆဲဆို ခြိမ်းခြောက်ခဲ့ပါတယ်။

နီဇာ့ကိုဖမ်းဖို့ လိုက်နေတာ နာမယ်ကြီးလာတော့ တယောက်ယောက်က ထောက်လှမ်းရေးကို သတင်းပေးလိုက်ပါ တယ်။ ဒါပေမဲ့ နီဇာတို့ကိုမမိဘဲ မိသားစုကိုဘဲ တွေ့သွားခဲ့ပါတယ်။ ဇူလိုင် ၂၄ ရက်မှာ နီဇာ့ညီဝမ်းကွဲနောက် တယောက်ကို ဖမ်းသွားပြီး ကျင်စက်နဲ့တို့စစ်တာတွေ လုပ်ခဲ့ပါတယ်။ နီဇာ့ညီမရဲ့ကလေးတွေကိုလဲ ခေါ်သွားမယ်လို့ ခြိမ်းခြောက်ပါသေးတယ်။

နီဇာကတော့ ကျူနီးရှားထွက်သွားပြီလို့ သတင်းလွှင့်ပြီး တခြားနာမယ်တခုနဲ့ ပိုလျှို့လျှို့ဝှက်ဝှက် ဆက်လှုပ်ရှားခဲ့ပါ တယ်။ ထောက်လှမ်းရေးတွေက ပလီတွေ၊ ဈေးတွေနားမှာ စောင့်ကြည့်ခဲ့တာတွေကို နီဇာ ရှောင်နိုင်ခဲ့ပါတယ်။

 ဂဒါဖီ ရဲ့ ထောက်လှမ်းရေးအဖွဲ့တွေ လုံခြုံရေးအဖွဲ့တွေဟာ အင်မတန်အစွမ်းထက်တယ်လို့ အရင်ကကြားထားပေမဲ့ လက်တွေ့မှာတော့ လစ်ဗျားနိုင်ငံရဲ့ ချွတ်ခြုံကျနေတဲ့ ကျန်းမာရေး ပညာရေးစနစ်တွေလိုဘဲ အစွမ်းအစတွေတုံးနေတာ နီဇာ တွေ့ရပါတယ်။ တနိုင်ငံလုံး ပြိုလဲနေသလို စစ်အစိုးရယန္တရားကြီးကလဲ ချိနဲ့နဲ့ဖြစ်နေတယ်လို့ နီဇာက သုံးသပ်ပါတယ်။

သူဟာ ခြောက်လလုံးလုံး အာဏာရှင်မျက်လုံးအောက်မှာ ထရီပိုလီမြို့တော်အတွင်း လျှို့ဝှက်အံတုဆန္ဒပြပွဲကို ဦးစီး ဆောင်ရွက်ခဲ့ပါတယ်။ သူ့ရဲ့ အာဏာဖီဆန်ရေးလှုပ်ရှားမှုကို ခရေစေ့တွင်းကျ ဓာတ်ပုံ-ဗီဒီယိုတွေနဲ့ မှတ်တမ်းတင်ပြီး ဖေ့စ်ဘွတ်က်မှာတင်၊ ခိုးယူထားတဲ့ ဂြိုလ်တုဆက်သွယ်ရေးနဲ့ ကမ္ဘာကိုဖြန့် လုပ်ခဲ့ပါတယ်။

 အစိုးရမကြိုက်တာတွေ လုပ်ပြီး ဂဒါဖီ အခံရခက်အောင် ကောင်းကောင်းလုပ်နိုင်ခဲ့ပါတယ်။ "အစိုးရက မကျေနပ်လေ ကိုယ်လုပ်တာမှန်လေ ဆိုတဲ့သဘောဘဲဗျ" လို့ နီဇာကပြောပြပါတယ်။

ထရီပိုလီ လူထုအုံကြွမှု ဖြစ်ပြီး ခြောက်လတိတိအကြာမှာ မြို့တော်လူထုဟာ နောက်တခါ အုံကြွပြီး လွတ်မြောက်သွား ခဲ့ပါတော့တယ်။

"ဂဒါဖီလက်အောက် လစ်ဗျားနိုင်ငံမှာ အရေးကြီးတာက အလံလွှင့်ထားဖို့ဘဲဗျ၊ ဟင့်အင်းလို့ ပြောဖို့လိုတယ်၊ အပြောင်း အလဲလိုချင်တယ်ဟေ့လို့ ပြောဖို့လိုတယ်" လို့ နီဇာက သတင်းထောက်တွေကို နောက်ပိုင်းမှာ ပြန်ပြောပြခဲ့ပါတယ်။ 

တိုက်ကွက်-၂

သြဂုတ်လ ညတည ထရီပိုလီမြို့ထဲကတိုက်ခန်းတခုမှာ လူတစုဟာ ညပိုင်းရုပ်သံသတင်းတွေကို ဝိုင်းကြည့်နေကြပါ တယ်။ ဒီ လစ်ဗျားအယ်လ်အာရာ ရုပ်သံလိုင်းကို ကာတာနိုင်ငံ ဒိုဟာကလွှင့်တာဖြစ်ပြီး တော်လှန်ရေးဘက်က ထောက်ခံတဲ့လိုင်း ဖြစ်ပါတယ်။ ရာမာဒန်ဥပုသ် ထွက်ပြီးတော့ လူတွေက ပလီတွေဆီသွားနေတဲ့အချိန် ည ၈ နာရီခွဲတိတိမှာ ခုနကလူတွေ စောင့်မျှော်နေတဲ့သတင်းစကား ပေါ်လာပါတယ်။ ရုပ်သံသတင်း တင်ဆက်သူက တနေ့ တာအစီအစဉ် မသိမ်းခင်မှာ "ပရိသတ်များကို ကျနော်တို့က သေချာပေါက်အောင်ပွဲ တကယ်ပေးလိုက်ပါပြီ" လို့ ပြောလိုက်ပါတယ်။

ဒါဟာ ကိုရန်ကျမ်းမြတ်လာစာပိုဒ်တခုပါ။ ဒါပေမဲ့ ဆုတ်က်အယ်လ်ဂျူမာ ရပ်ကွက်ထဲက အခန်းတခုထဲမှာ တီဗီကြည့် နေတဲ့လူတွေအတွက်ကတော့ ဒီ့ထက်ပိုပါတယ်။ ဘာဖြစ်လို့လဲဆိုတော့ မြို့တွင်းကနေ ပုန်ကန်ထကြွဖို့ စကားဝှက် တခု ဖြစ်လို့ပါဘဲ။ တီဗီကနေ စကားဝှက်ပြောလိုက်ပြီးနောက် ၄၈ နာရီအတွင်းမှာ ထရီပိုလီမြို့လူထုဟာ ခြောက်လ ကြာလစ်ဗျားတော်လှန်ရေးကို အထွတ်အထိပ်ရောက်အောင် တွန်းတင်လိုက်ကြပြီး ဘယ်တော့မှ နောက်ကြောင်းပြန် မလှည့်စတမ်း သေချာအောင်လုပ်လိုက်ကြပါတယ်။ အာရပ်နိုးထမှုကို အားသစ်လောင်းလိုက်ကြပါတယ်။

တီဗီကြည့်နေတဲ့လူတွေဟာ ဒီပုန်ကန်ထကြွမှုရက်ချိန်းအတွက် ရက်သတ္တပတ်ပေါင်းများစွာ ပြင်ဆင်နေခဲ့တဲ့ မြေ အောက်တော်လှန်ရေးသမား ၆၂ ယောက်အုပ်စုထဲက ဖြစ်ပါတယ်။ ဒီထဲမှာ အသက် ၂၀ ကျော်ဆိပ်ကမ်းအလုပ်သမား မာလစ်အဘာဂို လဲပါဝင်ပါတယ်။ သူဟာ အေကေသေနတ်ကိုဆွဲပြီး သူ့ရဲဘော်တွေနဲ့အတူ လမ်းမတွေပေါ် ပြေးထွက် ခဲ့ပါတယ်။ "ကျနော့်ရင်တွေ တအားခုန်နေတယ်။ ကျနော် အာဇာနည်ဖြစ်ရင်ဖြစ်သွားနိုင်တယ်လို့ တွေးမိတယ်" လို့ ပြန်ပြောပြပါတယ်။

လမ်းမပေါ်မှာ ဂဒါဖီဆန့်ကျင်ရေးကြွေးကြော်သံတွေတိုင်နေတဲ့ လူအုပ်စုကလေးကိုတွေ့တော့ ပလီထဲကလဲ ကြွေး ကြော်သံတွေ ထွက်လာပါတယ်။ မကြာခင်လေးအတွင်းမှာ ပလီထိပ်က လော်စပီကာတွေကနေ မိုးခြုံးသံလို မြည်ဟိန်း လှတဲ့ တိုက်ပွဲခေါ်သံ ထွက်လာပါတယ်။ "အလ္လာအရှင်မြတ်သည် အကြီးမြတ်ဆုံး" ဆိုတဲ့ ကြွေးကြော်သံဖြစ်ပါတယ်။ 

အကောက်ခွန်ဝန်ထမ်း ခါလစ်ဟူမေဒါက အဲဒီကြွေးကြော်သံ ထွက်ပေါ်လာချိန်မှာ ဈေးထဲ ဟင်းသီးဟင်းရွက်ဝယ်ဖို့ တန်းစီနေချိန်ဖြစ်ပါတယ်။ ဒီအသံဟာ သူ့အတွက် ဗုံးသံ ဂျက်လေယာဉ်သံထက်ပိုပြီး ရိုက်ခတ်သွားပါတယ်။ သူ ဘာလုပ်ရမယ်ဆိုတာကို သူသိသွားပါပြီ။ စားသောက်ဆိုင်ပိုင်ရှင် ဆာလင်မ်ဘူရိုင်ကလဲ ကျောက်ခဲတွေ တအိတ်ကြီး ဆွဲပြီး ဟူမေဒါနောက် ပြေးထွက်လာပါတယ်။ အက်ဘဒူ ဆိုသူ အလုပ်လက်မဲ့တယောက်ကတော့ မိုလိုတော့ ဓာတ်ဆီ ပုလင်းဗုံးတလုံး ကိုင်ပြီး ထွက်လာပါတယ်။ 

လူအုပ်ဟာ ဆယ်ဂဏန်းကနေ ရာဂဏန်း ဖြစ်လာပါတယ်။ ဒါဟာ ဖေဖော်ဝါရီလတုန်းက ဆန္ဒပြပွဲတွေကို သွေးချောင်း စီးနှိမ်နင်းပြီးကတဲက ထရီပိုလီမြို့တော်မှာ ပထမဆုံးပေါ်လာတဲ့ အတိအလင်းဆန္ဒပြပွဲတွေ ဖြစ်ပါတယ်။ ချက်ခြင်း လိုလို လုံခြုံရေးတပ်ဖွဲ့တွေ ကားကြီးတွေနဲ့ ရောက်လာပြီး ဆန္ဒပြသူတွေကို သေနတ်တွေနဲ့ ချိန်လိုက်ပါတယ်။ ဒါပေမဲ့ ဆန္ဒပြသမားတွေက မတွေဝေ မကြောက်လန့်ဘဲ တလှမ်းချင်း ရှေ့တိုးကြပါတယ်။

မကြာခင်မှာ နှစ်ဖက်အကြား မီတာ ၁၀၀ လောက်တောင် မခြားတော့ပါဘူး။ အာဏာရှင်ရဲ့ လက်ဖြောင့်သေနတ် သမားတွေက အနားက တိုက်မြင့်ကြီးတခုပေါ်မှာ နေရာယူထားပါတယ်။ အဲဒီအချိန်မှာ ဆန္ဒပြသမားတစုက လမ်းဘေး မှာရပ်ထားတဲ့ကားတွေကို ဓာတ်ဆီလောင်းပြီး မီးရှို့လိုက်ပါတယ်။ "ကျနော်တို့က ရုတ်ရုတ်သဲသဲဖြစ်သွားအောင် လုပ်တာ၊ အစိုးရတပ်တွေ ဘာလုပ်ရမှန်းမသိ ဖြစ်သွားအောင်လုပ်တာ" လို့ ဘူရိုင်ကပြောပါတယ်။

ဖြစ်စေချင်တဲ့အတိုင်း ဖြစ်သွားပါတယ်။ လုံခြုံရေးတပ်တွေက သေနတ်တွေနဲ့ စပစ်ကြပါတယ်။ ကျည်ဆံတွေ တရွှီရွှီ ဖြတ်သွားတဲ့ကြားက ဆန္ဒပြသမားတွေဟာ ကွန်ကရစ်တုံးတွေ အမှိုက်ပုံးတွေနောက် အကာကွယ်ယူကြပါတယ်။ 

စစချင်းမှာ လုံခြုံရေးတပ်ဖွဲ့ဝင်တွေက ဆန္ဒပြသမားတွေထက် သုံးဆလောက် ပိုအင်အားများပါတယ်။ ဒါပေမဲ့ ဆန္ဒပြပွဲ တွေက တရပ်ကွက်ပြီးတရပ်ကွက် တလမ်းပြီးတလမ်းပျံ့လာတာကြောင့် မကြာခင်မှာ လုံခြုံရေးတပ်ဖွဲ့ဝင်တွေရဲ့ နောက်ဖက်လမ်းတွေမှာ ဆန္ဒပြသမားတွေ ရောက်လာပါတယ်။ သေနတ်စပစ်ပြီး သိတ်မကြာခင်မှာ အစိုးရတပ်တွေ ဟာ အဝိုင်းခံအခြေအနေ ရောက်သွားပါတယ်။ သေနတ်ရှိတဲ့ ဆန္ဒပြသမားနည်းနည်းပါးပါးက စပြီး ပြန်ပစ်ကြပါတယ်။ တချို့ကတော့ ကျောက်ခဲတွေနဲ့ ပေါက်ကြပါတယ်။ "ကျနော်က သေနတ်မကိုင်ရဲဘူးဗျ။ ဒါကြောင့် မိုလိုတော့ပုလင်းဗုံး နဲ့ဘဲပစ်တယ်လေ" လို့ဘူရိုင်ကပြောပါတယ်။

အဲဒီပွဲမှာ ပုလိပ် ၁၃ ယောက်သေပြီး ပုလိပ် ၃၀ ကို အရှင်ဖမ်းမိခဲ့ပါတယ်။ ကျန်တဲ့လုံခြုံရေးတပ်ဖွဲ့တွေ ထွက်ပြေးသွားပါတယ်။ အဲဒီအချိန် အဲဒီနေရာဟာ အာဏာရှင်လက်အောက် ၄၂ နှစ်တာနေခဲ့ရတဲ့ စိတ်ပျက်အားလျော့မှုတွေ စမှေး မှိန်ပျောက်ကွယ်တဲ့ အချိန်နဲ့နေရာ ဖြစ်ပါတော့တယ်။

 "ကျနော်တို့ဟာ မျိုးဆက်တဆက်လုံး အကြောက်တရား အောက် ရောက်ခဲ့ရတယ်။ အခုတော့ အသစ်ပြန်မွေးလာသလိုဘဲဗျာ" လို့ ဘူရိုင်က ပြောပါတယ်။ အမျိုးသမီးတွေ ကလေးသူငယ်တွေကလဲ လမ်းမတွေပေါ် မရွံ့မရဲထွက်လာကြပြီး သူတို့ဘဝတသက်မှာ ပထမဆုံးအကြိမ်အဖြစ် အစိုးရအာဏာစက်နဲ့ ကင်းကင်းလွတ်လွတ်ခံစားကြရပါတယ်။ တယောက်နဲ့တယောက် မသိကြတဲ့လူစိမ်းတွေ ဝမ်းသာအားရနဲ့ အချင်းချင်းဖက်ယမ်းကြ၊ ဘုရားကိုပူဇော်ကြ၊ သူပုန်တွေကလဲ သေနတ်တွေ မိုးထောင်ပစ်ကြပါ တယ်။

သူ့အလိုအလျောက်ပုန်ကန်ထကြွသလို ထင်ရပေမဲ့ တကယ်တော့ ဒါဟာ လပေါင်းများစွာ စနစ်တကျပြင်ဆင်ခဲ့တာ ဖြစ်ပါတယ်။ တိုက်ခန်းကျဉ်းလေးတွေထဲမှာ၊ ကားနောက်ခန်းတွေထဲမှာ တိုင်ပင်ဆွေးနွေးညှိနှိုင်းခဲ့ကြတာ ဖြစ်ပါတယ်။ ပထမဆုံးစခဲ့တာက ဇန်နဝါရီလမှာ ကျူနီးရှားတော်လှန်ရေးကြောင့် စိတ်အားတက်ကြွနေတဲ့ နိုင်ငံရေးလှုပ်ရှားသူ ၁၅ ယောက် လျှို့ဝှက်တွေ့ဆုံကြပြီး လွတ်လပ်ခွင့်တွေတောင်းဆိုတဲ့ ကြေညာစာတမ်းတစောင်ထုတ်ဖို့ အစီအစဉ်ဆွဲခဲ့ကြ ပါတယ်။ ဒီ ၁၅ ယောက်ထဲမှာ ဆရာဝန်တွေ၊ အင်ဂျင်နီယာတွေ၊ စီးပွားရေးလုပ်ငန်းရှင်တွေ ပါဝင်ပြီး ပညာတတ်လူ တန်းစားတွေရဲ့ မကျေနပ်ချက်တွေ ပွင့်အံလာတာ ဖြစ်ပါတယ်။ ဒါပေမဲ့ သူတို့ ကြေညာချက် မထုတ်နိုင်ခင် ဖေဖော်ဝါ ရီ ၁၅ ရက်မှာ ဘင်ဂါဇီမှာ ဆန္ဒပြပွဲတွေ ပေါက်ကွဲထွက်လာပါတယ်။

 ထင်ရှားတဲ့ လူ့အခွင့်အရေးရှေ့နေတယောက် အဖမ်းခံရတာက စခဲ့တာ ဖြစ်ပါတယ်။ ရက်ပိုင်းအတွင်း ထရီပိုလီကို ဆန္ဒပြပွဲတွေကူးစက်လာပါတယ်။ "ကျနော်တို့က တော်လှန်ရေးသမားတွေလို့ ကိုယ့်ကိုယ်ကိုခံယူထားတာဗျ။ အခုတော့ လက်တွေ့မှာ လူထုနောက်မှာ ကျန်နေခဲ့တယ်" လို့ ကနဦး ၁၅ ယောက်အုပ်စု ခေါင်းဆောင်တယောက်ဖြစ်တဲ့ အမေရိကန်ပြန်ဆရာဝန် မူဟာမက်ဒ်အိုမီယစ်ရ်ှက ပြောပါတယ်။ 

ထရီပိုလီမှာ ဖေဖော်ဝါရီအုံကြွမှု နှိမ်နင်းခံရတဲ့အခါ အိုမီယစ်ရ်ှတို့အဖွဲ့ မြေအောက်သျှိုးခဲ့ကြပါတယ်။ နောက်ပိုင်းမှာ သူတို့အုပ်စုဟာ ထရီပိုလီ ဒေသန္တရကောင်စီလို့ လူသိများလာပြီး ထရီပိုလီအခြေစိုက် တော်လှန်ရေးအဖွဲ့ ၉ ဖွဲ့ကို ဦး ဆောင်ခဲ့ပါတယ်။ သူတို့ဟာ ဘင်ဂါဇီကသူပုန်တွေနဲ့ သီးခြားကင်းလွတ်စွာလှုပ်ရှားပြီး လက်နက်ကိုင်တပ်ဖွဲ့တခု နဲ့ လျှို့ ဝှက်ကလပ်စည်းတွေကို မြို့တော်အနှံ့ ထူထောင်ခဲ့ပါတယ်။ ဂြိုလ်တုဖုံးတွေ ခိုးသွင်းပြီး အချင်းချင်းဆက်သွယ်တဲ့အခါ စကားဝှက်တွေသုံးကြပါတယ်။ ဥပမာ- ဆေးဝါးတွေ ဝယ်လာပြီလို့ ပြောရင် အေကေ-၄၇ ကို ဆိုလိုတာမျိုး။

ဒေသန္တရကောင်စီရဲ့ စစ်ကော်မတီက လှုပ်ရှားတက်ကြွသူတွေကို ထရီပိုလီမြို့တော် နောက်ဖေးလမ်းကြား လမ်းမြှောင်လေးတွေမှာ လျှို့ဝှက်ပြီး စစ်သင်တန်း စပေးခဲ့ပါတယ်။ လူ ၂၀ လောက်က ကျူနီးရှားကို တိတ်တဆိတ်သွားပြီး သူပုန်စစ်ဆင်ရေးခေါင်းဆောင်တွေနဲ့ တွေ့ဆုံဆွေးနွေးခဲ့ပါတယ်။ ဒီနောက်မှာ လစ်ဗျားအနောက်ပိုင်းတောင်တန်းတွေ ပေါ်မှာ နေတိုးစစ်သားတွေ နေတိုးထောက်လှမ်းရေးတွေဆီ စစ်သင်တန်းတက်ခဲ့ကြပါတယ်။

ဒီအချိန်မှာ တော်လှန်ရေးသမားတွေဟာ လက်နက်ရဖို့ ကြိုးစားကြပါတယ်။ အဓိက လက်နက်ရတာက ဂဒါဖီ ဆီက ရတာ ဖြစ်ပါတယ်။ ရူးကြောင်ကြောင်အာဏာရှင်ကြီးဟာ သူ့ကို ပြည်သူလူထုတွေက အင်မတန်ကြည်ညို ထောက်ခံ တယ်လို့ ထင်နေပြီး ထရီပိုလီမြို့သားတွေ သူ့ဖက်က ကာကွယ်တိုက်ပေးမယ်လို့ ယုံကြည်နေပါတယ်။ ဒါကြောင့် သူယုံကြည်ရတဲ့ မြို့သူမြို့သားတွေကို လက်နက်တွေ ထုတ်ပေးခဲ့ပါတယ်။ လက်နက်ရတဲ့လူတွေအများစုက သူပုန် တွေဆီ ပြန်ရောင်းစားခဲ့ပါတယ်။ တချို့ကလဲ သူပုန်တွေဘက်က တိုက်ခဲ့ပါတယ်။ တချို့လက်နက်တွေကို ရေလမ်း ကနေ မြို့တော်ထဲခိုးသွင်းခဲ့သလို တချို့ကိုတော့ အစိုးရလက်နက်တိုက်တွေက ခိုးယူခဲ့ကြပါတယ်။

သူပုန်တွေဟာ ပုန်ကန်ထကြွဖို့နေ့အဖြစ် သြဂုတ် ၂၀ ရက်ကို သတ်မှတ်လိုက်ပါတယ်။ ဒါပေမဲ့ အဲဒီရက်မရောက်ခင်မှာ လျှို့ဝှက်သူပုန်တပ်ခေါင်းဆောင် ဗိုလ်ကြီးဟောင်း မူစတာဖာနိုအာ ပျောက်သွားပါတယ်။ သူဟာ ပုန်ကန်ထကြွမှုကို စီစဉ်ပြင်ဆင်ရာမှာ အဓိကကျသူဖြစ်ပါတယ်။ ဘယ်လိုမှ ဆက်သွယ် စုံစမ်းမရလို့ အားလုံးလန့်ဖျန့်ပြီး ဖုံးတွေ ပိတ်ထား လိုက်ကြပါတယ်။ မကြာခင်သိရတာက သူနဲ့သူ့လူတချို့ကို လုံခြုံရေးတပ်ဖွဲ့တွေက မိသွားတဲ့အကြောင်း သိရပေမဲ့ အဖမ်းခံရသူတယောက်က ဖုံးတလုံးခိုးသွင်းပြီး လွတ်နေတဲ့လူတွေကို သတိပေးနိုင်ခဲ့ပါတယ်။ ဒါကြောင့် ခေါင်းဆောင် တချို့က ကျူနီးရှားကိုထွက်ပြေးပြီး အများစုကတော့ ပိုပြီး မြေအောက်နက်နက်သျှိုးခဲ့ကြပါတယ်။ 

မြေအောက်သျှိုးတာ အကြာကြီးသျှိုးလို့ မရနိုင်ဘူးဆိုတာ သဘောပေါက်တဲ့အတွက် နဂိုအစီအစဉ်အတိုင်းဆက်လုပ်ဖို့ ဆုံးဖြတ်ခဲ့ကြပါတယ်။ ဂဒါဖီ့လူတွေက လိုက်ထောက်လှမ်းနေပါပြီ။ ဂဒါဖီဟာ လူတွေ ထောင်နဲ့ချီပြီး နိုင်ငံတော်သစ္စာ ဖောက်မှုနဲ့ တရားရုံးတင် ကွပ်မျက်ဖို့ လူစာရင်းပြုစုနေတာ အတွင်းသတင်းရခဲ့ပါတယ်။ ဒါကြောင့် ပုန်းအောင်းနေတဲ့ ခေါင်းဆောင်တွေ၊ နယ်စပ်ဟိုဘက်ရောက်နေတဲ့ခေါင်းဆောင်တွေက ရပ်ကွက်တွေထဲက ကလပ်စည်းတွေဆီ ဆက် သားတွေလွှတ်ပြီး ပုံကန်ထကြွမယ့်ရက်အတွက် စကားဝှက်နဲ့ ညွှန်ကြားချက်တွေ ဖြန့်ဝေခဲ့ပါတယ်။ 

"ကျနော်တို့အနေနဲ့ ပုန်ကန်မှုကို ၂၄ နာရီလောက်တော့ ထိန်းထားနိုင်မယ်လို့ ယုံကြည်တယ်" လို့ အိုမီယစ်ရ်ှက ပြောပါ တယ်။ ဒီလောက်ကြာကြာထိန်းထားနိုင်ရင် မစ္စရာထာ၊ အနောက်ဖက်တောင်တန်းနဲ့ တခြားနေရာတွေက သူပုန်တပ် တွေ ဝင်လာနိုင်ဖို့ အချိန်လုံလောက်ပါတယ်။ "စစ်အစိုးရက တမြို့လုံးနဲ့ မတိုက်နိုင်ဘူးလေ။ ဒီအပေါ်မှာ ကျနော်တို့ စွန့်လုပ်တာ" လို့ အိုမီယစ်ရ်ှက ဆက်ပြောပါတယ်။

ရှေ့ပိုင်းမှာပြောခဲ့တဲ့ ပုလိပ်တွေအပေါ်နိုင်တဲ့တိုက်ပွဲပြီးနောက်မှာ မိန်းမတယောက်ဟာ သူမတိုက်ခေါင်မိုးပေါ်တက်ပြီး အောက်ကလူအုပ်ထဲကို အေကေနဲ့ပစ်ခဲ့ပါတယ်။ ဆန္ဒပြသမားတွေဟာ အဲဒီတိုက်ကို ပစ်ခတ်စီးနင်းပြီး အဲဒီမိန်းမကို အရှင်ဖမ်းမိခဲ့ပါတယ်။ အဲဒီမိန်းမက ဂဒါဖီကို သေတဲ့အထိ ထောက်ခံမယ်လို့ ပြောပါတယ်။ "သူ့လိုလူမျိုးတွေ လမ်း တိုင်းမှာရှိတယ်ဗျ" လို့ ထမင်းဆိုင်ရှင် ဘူရိုင်ကပြောပါတယ်။ တချို့သူပုန်တွေက အဲဒီလူတွေကို တော်လှန်ရေးတရား စီရင်မှုနဲ့ ရှင်းပစ်ချင်ကြပေမဲ့ ခေါင်းအေးအေးထားတဲ့ လူကြီးပိုင်းတွေက ဖြောင်းဖြပြီး ရပ်ကွက်ထဲက မောင်းထုတ်ရုံဘဲ လုပ်ခဲ့ပါတယ်။

နေတိုးတပ်ဖွဲ့တွေက ထရီပိုလီကသူပုန် ၂၀ လောက်ကို မြို့ထဲကပစ်မှတ် မြေပုံညွှန်းတွေ ပေးတတ်အောင် သင်ပေး ခဲ့တဲ့အတွက် နေတိုးလေယာဉ်တွေဟာ အဓိကကျတဲ့အစိုးရအဆောက်အအုံတွေကို ထိထိရောက်ရောက်ဗုံးကြဲ တိုက်ခိုက်နိုင်ခဲ့ပါတယ်။ တချိန်တည်းမှာ မြေအောက်ကလပ်စည်းတွေရဲ့ ဟန်ချက်ညီလှုပ်ရှားမှုအရ ပုန်ကန်ထကြွမှု တွေဟာ တမြို့လုံးမှာ ပေါ်ပေါက်လာပါတယ်။ ဂဒါဖီ့တပ်တွေကလဲ ရက်ရက်စက်စက်တုန့်ပြန်တဲ့အတွက် ဆန္ဒပြသမား အတော်များများသေခဲ့ကြပါတယ်။ ဒါပေမဲ့ အုံကြွမှုက အင်မတန်ပြန့်နှံ့လှတဲ့အတွက် လုံခြုံရေးတပ်ဖွဲ့တွေက အကုန်လုံး ကို မရှင်းလင်းပစ်နိုင် ဖြစ်ခဲ့ပါတယ်။ ပုန်ကန်သူတွေနဲ့ အာဏာရှင်ဘက်သားတွေ ၂၄ နာရီနီးပါး တိုက်ခိုက်ကြပြီး နောက် သြဂုတ် ၂၁ ရက်ညနေပိုင်းမှာ ပြင်ပသူပုန်တပ်ကူတွေ ဇာဝီယာမြို့ကနေရောက်လာသလို မစ္စရာထာမြို့ကနေ လဲ လှေတွေနဲ့ ရောက်လာပါတယ်။ ဝင်လာတဲ့သူပုန်တွေကို ထရီပိုလီမြို့အဝင် လုံခြုံရေးတာဝန်ကျ အရာရှိကြီးတဦးက နားလည်မှုယူပြီး အခုအခံမရှိဖွင့်ပေးခဲ့ပါတယ်။

နောက်တနေ့လုံး ဒီသူပုန်စစ်ကူတွေဟာ ဂဒါဖီ့ခြေကုတ်တွေကို တခုပြီးတခု တိုက်ခိုက်သိမ်းယူကြတဲ့အတွက် စစ်အစိုး ရ ယန္တရားကြီး ပြိုကျလာပါတော့တယ်။ ဒုံးကျည်တွေ ပေါက်ကွဲတဲ့အသံ တဖြည်းဖြည်းနီးလာတဲ့အခါ လေတပ် ဗိုလ် မူဟာမက်ဖာရာဂျလာဟာ နာမယ်ဆိုးလှတဲ့ အဘူစလင်မ်ထောင်ဆီ လျှောက်သွားပြီး ဝါဒါတွေကို လွတ်ရာကျွတ် ရာရှောင်သွားဖို့ စိတ်ရှည်ရှည်နဲ့ နားချခဲ့ပါတယ်။ လစ်ဗျားဆန္ဒပြပွဲတွေအစပိုင်းတုံးက ဆန္ဒပြသမားတွေကို လေယာဉ်နဲ့ ဗုံးကြဲဖို့ ငြင်းဆန်ခဲ့တဲ့ ဖာရာဂျလာက အကျဉ်းထောင်တံခါးသော့တွေကို တခုပြီးတခု အေကေနဲ့ပစ်ဖွင့်ပေးပြီး နိုင်ငံရေး အကျဉ်းသားတွေအများအပြားပါဝင်တဲ့ အကျဉ်းသား ၁၅၀၀ ကို ထောင်ဖွင့်ပေးခဲ့ပါတယ်။ အလားတူဘဲ တမြို့လုံးမှာရှိ တဲ့ ထောင်တွေ အချုပ်တွေကိုဖွင့်ပြီး အကျဉ်းသားတွေကို လွှတ်ပေးခဲ့ကြပါတယ်။

 လွတ်လာတဲ့အထဲမှာ ထရီပိုလီ သူပုန်တပ်မှူး နိုအာလဲ ပါပါတယ်။ သူကတော့ အကြီးအကျယ်ညှဉ်းပန်းနှိပ်စက်ခံထားရပါတယ်။ အကျဉ်းသားတွေ အားလုံး လွတ်လာတာတော့ မဟုတ်ပါဘူး။ တချို့ကို ဂဒါဖီတပ်တွေက အစုအပြုံလိုက်သတ်သွားခဲ့ပါတယ်။ 

တော်လှန်ရေးသမားတွေက နိုင်ငံတော်ပြယုဂ်ဖြစ်တဲ့ မြို့တော်ကိုသိမ်းလိုက်နိုင်လို့ တော်လှန်ရေးသရဖူ ဆောင်းသွား ပေမဲ့ အာဏာရှင်ဂဒါဖီကတော့ ဖနောင့်နဲ့တင်ပါး တသားတည်းကျအောင် ထွက်ပြေးသွားခဲ့လို့ လိုက်လံရှင်းလင်းမှုတွေ ဆက်လုပ်ခဲ့ရပါတယ်။ ဒီလိုနဲ့ နှစ်ပေါင်း ၄၂ နှစ်လုံးလုံး အကြွင်းမဲ့အာဏာရှင်စနစ်နဲ့ လူသတ်နှိပ်စက်၊ စည်းစိမ်ခံ၊ လိင် ကိစ္စသောင်းကျန်းခဲ့တဲ့ ဂဒါဖီ ဟာ ၂၀၁၁ ခု အောက်တိုဘာ ၂၀ ရက်မှာတော့ တော်လှန်တဲ့ပြည်သူတွေရဲ့ တရား စီရင်မှုကိုခံရပြီး မရှုမလှအသက်ထွက်သွားပါတော့တယ်။

ဂါမဏိ

ရည်ညွှန်း။ ။ Foreign Policy, Washington Post

(၂၀၁၁ နိုဝင်ဘာထုတ် ဒေါင်းအိုးဝေ စာစောင်တွင် ဖော်ပြခဲ့ပြီး)

Photo - ALJAZEERA