စစ်ကောင်စီတွင် တာဝန်အရှိဆုံး စစ်ဗိုလ်ချုပ်ကြီးများ ဗိုလ်ချုပ်မှူးကြီးမင်းအောင်လှိုင် ၁၉၅၅ ခုနှစ်တွင် မွေးဖွားခဲ့သူ ဗိုလ်ချုပ်မှူးကြီးမင်းအောင်လှိုင်မှာ ဗိုလ်ချုပ်မှူးကြီးဟောင်း ဦးသန်းရွှေ၏ မြှောက်စားမှုကြောင့် အသက်ငယ်ငယ်ရွယ်ဖြင့် တပ်မတော်ကာကွယ်ရေးဦးစီးချုပ်ဖြစ်လာခဲ့သူဖြစ်သည်။ စစ်ခေါင်းဆောင်များ စိတ်ကြိုက်ရေးဆွဲခဲ့သော ၂၀၀၈ ဖွဲ့စည်းပုံအရ အရပ်သားအမည်ခံ အစိုးရအဖွဲ့ကို စစ်အစိုးရက အာဏာလွှဲပြောင်းခြင်းမပြုမီ တပ်ချုပ်ဖြစ်လာခဲ့သည်။အစိုးရဝန်ထမ်းတစ်ဦး၏ သားဖြစ်သူ ဗိုလ်ချုပ်မှူးကြီးမင်းအောင်လှိုင်မှာ စစ်တက္ကသိုလ်အပတ်စဉ် ၁၉ တက်ရောက်ခဲ့သူဖြစ်ကာ အရာရှိငယ်ဘဝက ရှမ်း − ၁ ဟုခေါ်သော မှော်ဘီအခြေစိုက် အမှတ် ၃၁၃ ခြေမြန်တပ်ရင်း၌ စတင်တာဝန်ထမ်းဆောင်ခဲ့သည်။ အဆိုပါတပ်ရင်းမှာ ဝန်ကြီးချုပ်ဟောင်းနှင့် ထောက်လှမ်းရေးအကြီးအကဲဟောင်း ဗိုလ်ချုပ်ကြီးခင်ညွန့်၊ သမ္မတဟောင်း ဦးသိန်းစိန်တို့ တာဝန်ထမ်းဆောင်ခဲ့ဖူးသော တပ်လည်းဖြစ်သည်။ ဗိုလ်ချုပ်မှူးကြီးသည် ကချင်ပြည်နယ် တနိုင်းအခြေစိုက် ခလရ − ၈၆၊ စစ်ကိုင်းတိုင်း ဝန်းသိုအခြေစိုက် ခမရ − ၁၁၁ တို့တွင်လည်း တာဝန်ထမ်းဆောင်ခဲ့သည်။ ၂၀၀၃ ခုနှစ်တွင် စစ်တက္ကသိုလ်ကျောင်းအုပ်ကြီး၊ ၂၀၀၄ ခုနှစ် နိုဝင်ဘာလမှ ၂၀၀၅ ခုနှစ် ဧပြီလအထိ ရခိုင်ပြည်နယ် အမ်းမြို့အခြေစိုက် အနောက်ပိုင်းတိုင်းစစ်ဌာနချုပ် တိုင်းမှူး၊ ၂၀၀၆ ခုနှစ်တွင် ရှမ်းပြည်နယ်အရှေ့ပိုင်း တြိဂံစစ်ဌာနချုပ် တိုင်းမှူးအဖြစ် တာဝန်ထမ်းဆောင်ပြီးနောက် ၂၀၀၇ ခုနှစ်အတွင်း အမှတ် (၂) စစ်ဆင်ရေးအထူးအဖွဲ့မှူးဖြစ်ခဲ့သည်။ ၂၀၁၀ ပြည့်နှစ် ဩဂုတ်လတွင် တပ်မတော်တွင် နံပါတ်သုံးအဆင့်ရှိ တပ်မတော်ညှိနှိုင်းကွပ်ကဲရေးမှူး (ကြည်း၊ ရေ၊ လေ) ဖြစ်လာခဲ့ပြီး ၂၀၁၁ ခုနှစ် မတ်လတွင် တပ်မတော်ကာကွယ်ရေးဦးစီးချုပ်ဖြစ်ကာ ဗိုလ်ချုပ်မှူးကြီးဖြစ်ခဲ့သည်။ သူ၏ ဇနီးမှာ တက္ကသိုလ်ဆရာမဟောင်း ဒေါ်ကြူကြူလှဖြစ်ပြီး ၎င်းတို့တွင် သားတစ်ဦးနှင့် သမီးတစ်ဦးရှိသည်။ ဗိုလ်ချုပ်မှူးကြီးမင်းအောင်လှိုင်မှာ စစ်အာဏာသိမ်းမှုမတိုင်မီကပင် ရိုဟင်ဂျာများအပေါ် လူမျိုးတုန်းသတ်ဖြတ်မှုဖြင့် အနောက်နိုင်ငံများက ဒဏ်ခတ်အရေးယူခြင်း ခံခဲ့ရသူဖြစ်သည်။အာဏာသိမ်းစစ်ခေါင်းဆောင်ကို ဥရောပသမဂ္ဂအပါအဝင် အနောက်နိုင်ငံကြီးများက ထပ်မံဒဏ်ခတ်အရေးယူထားသည်။ ထို့ပြင် ၎င်း၏သားဖြစ်သူ အောင်ပြည့်စုံနှင့် သမီးဖြစ်သူ ခင်သီရိသက်မွန်တို့ကို အမေရိကန်နိုင်ငံက ပစ်မှတ်ထားအရေးယူခဲ့ပြီး ၎င်းတို့ပိုင် ကုမ္ပဏီခြောက်ခုကိုလည်း စီးပွားရေးအရ ဒဏ်ခတ်အရေးယူခဲ့သည်။ ဒုတိယဗိုလ်ချုပ်ကြီးစိုးဝင်း စစ်အာဏာသိမ်းမှုတွင် ဒုတိယတာဝန်ရှိဆုံးပုဂ္ဂိုလ်ဖြစ်ကာ ဒုတိယတပ်မတော်ကာကွယ်ရေးဦးစီးချုပ်ဖြစ်သည့်အပြင် စစ်ကောင်စီတွင်လည်း ဒုတိယဥက္ကဋ္ဌအဖြစ် တာဝန်ယူထားသည်။ ၁၉၆၀ ပြည့်နှစ်တွင် မွေးဖွားခဲ့သူဖြစ်သည်။ စစ်တက္ကသိုလ်အပတ်စဉ် ၂၂ တက်ရောက်ခဲ့သူဖြစ်ကာ ပြန်ကြားရေးဝန်ကြီးဟောင်း ဦးရဲထွဋ်၊ ရေတပ်ဗိုလ်ချုပ်ကြီးဟောင်း သူရသက်ဆွေ၊ ပြည်ထဲရေးဝန်ကြီးဟောင်း ဒုတိယဗိုလ်ချုပ်ကြီးကျော်ဆွေ၊ ကာကွယ်ရေးဝန်ကြီးဟောင်း ဒုတိယဗိုလ်ချုပ်ကြီးလှမင်း၊ လက်ရှိ စစ်ကောင်စီ၏ ငြိမ်းချမ်းရေးအဖွဲ့ခေါင်းဆောင် ဒုတိယဗိုလ်ချုပ်ကြီး ရာပြည့်တို့နှင့် တစ်ပတ်စဉ်တည်း အတူတက်ရောက်ခဲ့သူဖြစ်သည်။ ၁၉၈၁ ခုနှစ်တွင် ဒုဗိုလ်အဖြစ် စစ်တပ်တွင် စတင်တာဝန်ထမ်းဆောင်ခဲ့သည်။ အရာရှိငယ်ဘဝတွင် အမြောက်တပ်ရင်း၊ ခြေလျင်နှင့် ခြေမြန်တပ်ရင်းများနှင့် စစ်ဌာနချုပ်များတွင် တာဝန်ထမ်းဆောင်ခဲ့သည်။ ရခိုင်ပြည်နယ်မြောက်ပိုင်း မင်းပြားမြို့နယ်ရှိ ခမရ ၃၇၉ တွင် တပ်ရင်းမှူးဖြစ်ခဲ့သည်။ ၂၀၀၁ ခုနှစ်တွင် ကာကွယ်ရေးဦးစီးချုပ်ရုံး (ကြည်း) တွင် စစ်ဦးစီးမှူးပထမတန်း (G1) အဖြစ် စတင် တာဝန်ထမ်းဆောင်ခဲ့သည်။ ၂၀၀၃ ခုနှစ်တွင် အနောက်မြောက်တိုင်းစစ်ဌာနချုပ်၌ စစ်ဗျူဟာမှူးဖြစ်ခဲ့ ပြီး ၂၀၀၅ ခုနှစ်၌ ကလေးဝအခြေစိုက် အမှတ် ၁၀ စစ်ဆင်ရေးကွပ်ကွဲမှုဌာနချုပ်တွင် စစ်ဆင်ရေးကွပ်ကဲရေးမှူးဖြစ်ခဲ့သည်။ ၂၀၀၆ ခုနှစ်တွင် ဗထူးတပ်မြို့ရှိ တပ်မတော် (ကြည်း) တိုက်ခိုက်ရေးသင်တန်းကျောင်း ကျောင်းအုပ်ကြီးဖြစ်လာခဲ့ပြီး ၂၀၀၈ ခုနှစ်တွင် ကချင်ပြည်နယ် မြစ်ကြီးနားအခြေစိုက် မြောက်ပိုင်းတိုင်းစစ်ဌာနချုပ်တိုင်းမှူးဖြစ်ခဲ့သည်။ ၂၀၁၀ တွင် အမှတ် (၆) စစ်ဆင်ရေးအထူးအဖွဲ့မှူးအဖြစ် ရာထူးတိုးမြှင့်ခံရပြီး ၂၀၁၁ ခုနှစ် မတ်လတွင် ဒုတိယတပ်မတော်ကာကွယ်ရေးဦးစီးချုပ်၊ ဒုတိယဗိုလ်ချုပ်မှူးကြီးဖြစ်လာခဲ့သည်။ ဒုတိယဗိုလ်ချုပ်မှူးကြီးစိုးဝင်းမှာ တပ်တွင်း၌ တိုက်ခိုက်ရေးနှင့် အုပ်ချုပ်ရေးနှစ်ခုလုံးတွင် ထူးချွန်သူ စစ်သားကောင်းဖြစ်သည်ဟု နာမည်ရပြီး စိတ်သဘောထား တင်းမာပြတ်သားသူအဖြစ်လည်း နာမည်ကြီးသူဖြစ်သည်။ တိုင်းရင်းသားလက်နက်ကိုင်အဖွဲ့များနှင့် ဖြစ်ပွားသော တိုက်ပွဲများတွင် တပ်ရင်းတပ်ဖွဲ့များကို တိုက်ရိုက်ညွှန်ကြားအမိန့်ပေးသူလည်းဖြစ်သည်။ သူ၏ဇနီးမှာ အကနည်းပြ ဒေါ်သန်းသန်းနွယ်ဖြစ်သည်။ ဇနီးသည်၏ ယခင်အိမ်ထောင်နှင့် သားသမီးများသာရှိပြီး ဒုတိယဗိုလ်ချုပ်မှူးကြီးစိုးဝင်းနှင့် သားသမီးထွန်းကားခြင်း မရှိပေ။ ဗိုလ်ချုပ်ကြီးမြထွန်းဦး စစ်ကောင်စီအဖွဲ့ဝင် ဗိုလ်ချုပ်ကြီးမြထွန်းဦးမှာ အာဏာမသိမ်းမီက တပ်မတော်တွင် နံပါတ်သုံးအဆင့်ရှိ ညှိနှိုင်းကွပ်ကဲရေးမှူး (ကြည်း၊ ရေ၊ လေ) ဖြစ်သည်။ စစ်အာဏာသိမ်းမှုအပြီးတွင် နံပါတ်သုံးအဆင့် တပ်ရာထူးမှ လျှောကျကာ ကာကွယ်ရေးဝန်ကြီးအဖြစ်သာ ခန့်အပ်ခံခဲ့ရသူဖြစ်သည်။ ၁၉၆၁ ခုနှစ်တွင် မွေးဖွားသူ ဗိုလ်ချုပ်ကြီးမြထွန်းဦးမှာ စစ်တက္ကသိုလ်အပတ်စဉ် ၂၅ တက်ရောက်ခဲ့သူဖြစ်သည်။ ၎င်းနှင့် တစ်ပတ်စဉ်တည်းတက်ရောက်ခဲ့သူများမှာ တပ်မတော်လေ့ကျင့်ရေးအရာရှိချုပ်နှင့် အာဏာသိမ်းပြီးနောက် ညှိနှိုင်းကွပ်ကဲရေးမှူး (ကြည်း၊ ရေ၊ လေ) ဖြစ်လာသူ ဗိုလ်ချုပ်ကြီးမောင်မောင်အေး၊ စစ်ကောင်စီအတွင်းရေးမှူး ဒုတိယဗိုလ်ချုပ်ကြီး အောင်လင်းဒွေးတို့ဖြစ်သည်။ တပ်မတော်ထောက်လှမ်းရေးတပ်ဖွဲ့ကို ဖျက်သိမ်းပြီးနောက် ပြန်လည်ဖွဲ့စည်းခဲ့သည့် စစ်ဘက်ရေးရာလုံခြုံရေးအရာရှိချုပ်ရုံးတွင် စစ်ဦးစီးပထမတန်းအဖြစ် တာဝန်ထမ်းဆောင်ခဲ့ဖူးသူ ဗိုလ်ချုပ်ကြီးမြထွန်းဦးမှာ ဗိုလ်ချုပ်မှူးကြီးမင်းအောင်လှိုင်အလွန် တပ်မတော်ကာကွယ်ရေးဦးစီးချုပ်ဖြစ်လာနိုင်သူအဖြစ် တစ်ပေးခံခဲ့ရသူလည်းဖြစ်သည်။ တပ်မတော်ထိပ်တန်းရာထူး ရုပ်သိမ်းခံခဲ့ရပြီးဖြစ်သဖြင့် အဆိုပါ တွက်ဆချက်မှာ လက်ရှိအချိန်တွင် မှန်ကန်နိုင်ခြင်း မရှိတော့ပေ။ ဗိုလ်ချုပ်ကြီးမြထွန်းဦးမှာ အမှတ်(၁၀၁) ခြေမြန်တပ်မဌာနချုပ် တပ်မမှူး၊ စစ်တက္ကသိုလ်ကျောင်းအုပ်ကြီး၊ အရှေ့အလယ်ပိုင်းတိုင်းစစ်ဌာနချုပ်တိုင်းမှူး စသည့် အရေးပါသော နေရာဌာနများတွင် တာဝန်ထမ်းဆောင်ခဲ့ပြီးနောက် တပ်မတော်တွင် လွန်စွာအရေးပါသော စစ်ဦးစီးအရာရှိချုပ် (ကြည်း)၊ စစ်ဘက်ရေးရာ လုံခြုံရေးအရာရှိချုပ်၊ စစ်ဆင်ရေးအထူးအဖွဲ့မှူး၊ ညှိနှိုင်းကွပ်ကဲရေးမှူး (ကြည်း၊ ရေ၊ လေ) အထိ ရာထူးအဆင့်ဆင့် တိုးမြှင့်ခံခဲ့ရသူဖြစ်သည်။ စစ်ဘက်ရေးရာ လုံခြုံရေးအရာရှိချုပ်ဟောင်းဖြစ်သူ ဗိုလ်ချုပ်ကြီးမြထွန်းဦးမှာ အာဏာသိမ်းပြီးနောက် အနောက်နိုင်ငံအစိုးရများနှင့် ဆက်ဆံရေးတည်ဆောက်ရေး စစ်ကောင်စီက အစ္စရေးထောက်လှမ်းရေးဟောင်း လော်ဘီကို ငှားရမ်းရာတွင် အဓိကကိုင်တွယ်ခဲ့သူဖြစ်သည်ဟု သိရသည်။ဗိုလ်ချုပ်ကြီးမြထွန်းဦး၏ ဇနီးမှာ ဒေါ်သက်သက်အောင်ဖြစ်ပြီး ၎င်းတို့တွင် သားသမီးရှိမရှိ သေချာစွာ မသိရပေ။ ဗိုလ်ချုပ်ကြီးတင်အောင်စန်း စစ်ကောင်စီအဖွဲ့ဝင်တစ်ဦးဖြစ်သူ ရေတပ်ဗိုလ်ချုပ်ကြီး တင်အောင်စန်းသည် ၁၉၆၀ ပြည့်နှစ်တွင် မွေးဖွားသူဖြစ်ကာ စစ်တက္ကသိုလ်အပတ်စဉ် ၂၃ တက်ရောက်ခဲ့သူဖြစ်သည်။ ဗိုလ်ချုပ်ကြီးသူရသက်ဆွေ အငြိမ်းစားယူသွားပြီးနောက် ၂၀၁၅ ခုနှစ် ဩဂုတ်လတွင် ကာကွယ်ရေးဦးစီးချုပ် (ရေ) ဖြစ်သူ ဗိုလ်ချုပ်ကြီးတင်အောင်စန်းမှာ အမေရိကန်နိုင်ငံတွင် စစ်သင်တန်း တက်ရောက်အောင်မြင်ခဲ့သူ ရှားရှားပါးပါး ဗိုလ်ချုပ်တစ်ဦးဖြစ်သည်ဟု သိရသည်။ ဗိုလ်ချုပ်ကြီးတင်အောင်စန်းသည် သိုသိုသိပ်သိပ်နေတတ်သူဟုလည်း တပ်အသိုင်းအဝိုင်းက ဆိုသည်။ ဗိုလ်ချုပ်ကြီးတင်အောင်စန်းမှာ စစ်အာဏာသိမ်းပြီးနောက် တပ်ရာထူးမှ လျှောကျကာ စစ်ကောင်စီ၏ ပို့ဆောင်ရေးနှင့် ဆက်သွယ်ရေးဝန်ကြီးဖြစ်လာခဲ့သည်။ ၎င်း၏နေရာတွင် ပြည်ခိုင်ဖြိုးပါတီခေါင်းဆောင်တစ်ဦးဖြစ်သူ ဦးအောင်သောင်း၏သားတစ်ဦးဖြစ်သူ မိုးအောင်ကို ဗိုလ်ချုပ်ကြီးရာထူးဖြင့် ကာကွယ်ရေးဦးစီးချုပ် (ရေ) အဖြစ် ခန့်အပ်ခဲ့သည်။စစ်ကောင်စီအဖွဲ့ဝင် ဗိုလ်ချုပ်ကြီးတင်အောင်စန်း၏ ဇနီးမှာ ဒေါ်သန်းသန်းအေးဖြစ်ပြီး ၎င်းတို့တွင် သမီးတစ်ဦးရှိသည်။ ဗိုလ်ချုပ်ကြီးမောင်မောင်ကျော် စစ်ကောင်စီအဖွဲ့ဝင် လေတပ်ဗိုလ်ချုပ်ကြီးမောင်မောင်ကျော်မှာ ရာထူးအတက်မြန်ခဲ့သူတစ်ဦးဖြစ်ကာ တပ်တွင်း၌ ဗိုလ်ချုပ်မှူးကြီးမင်းအောင်လှိုင်၏ အနီးကပ်လူယုံတစ်ဦးဖြစ်သည်ဟုလည်း နာမည်ကြီးသည်။ ၁၉၆၄ ခုနှစ်တွင် မွေးဖွားသူ ဗိုလ်ချုပ်ကြီးမောင်မောင်ကျော်မှာ စစ်တက္ကသိုလ်အပတ်စဉ် ၂၆ တက်ရောက်ခဲ့သူဖြစ်သည်။ ၂၀၁၅ ခုနှစ်အတွင်းက ဖြစ်ပွားသော လောက်ကိုင်စစ်ပွဲအတွင်း လေကြောင်းမှတိုက်ခိုက်စဉ် တရုတ်နိုင်ငံအတွင်း ကျည်ဆန်ကျရောက်မှုဖြင့် ထိုစဉ်က လေတပ်စစ်ဦးစီးအရာရှိချုပ်ဖြစ်သူ ဗိုလ်ချုပ်စန်းလွင် အရေးယူခံရပြီးနောက် လေတပ်စခန်းမှူးဖြစ်သူ ဗိုလ်မှူးချုပ်မောင်မောင်ကျော်ကို အစားထိုး ခန့်အပ်ခဲ့ခြင်းဖြစ်သည်။ ဗိုလ်ချုပ်ကြီးခင်အောင်မြင့် အနားယူသွားချိန်တွင် မောင်မောင်ကျော်မှာ ကာကွယ်ရေးဦးစီးချုပ် (လေ) ဖြစ်လာပြီး ဗိုလ်ချုပ်ကြီးဖြစ်လာခဲ့သည်။ လေတပ်ဦးစီးချုပ် ဗိုလ်ချုပ်ကြီးမောင်မောင်ကျော်မှာ ဦးနေဝင်းခေတ်က ကာကွယ်ရေးဦးစီးချုပ်ဖြစ်ခဲ့သူ ဗိုလ်ချုပ်ကြီးသူရကျော်ထင်၏ သားဖြစ်ပြီး ၎င်း၏အစ်ကိုဖြစ်သူ ဦးသန့်ကျော်မှာ ဦးသိန်းစိန်လက်ထက်က ဒုတိယနိုင်ငံခြားရေးဝန်ကြီးဖြစ်ခဲ့သည်။ဗိုလ်ချုပ်ကြီးမောင်မောင်ကျော်၏ မရီးတော်စပ်သူ ဦးသန့်ကျော်၏ဇနီး ဒေါ်အိအိခင်ဧမှာ လက်ရှိ အင်ဒိုနီးရှားနိုင်ငံဆိုင်ရာ မြန်မာသံအမတ်ကြီးဖြစ်ပြီး ဧပြီ ၂၄ ရက်က ဗိုလ်ချုပ်မှူးကြီးမင်းအောင်လှိုင်၏ ဂျာကာတာ အာဆီယံထိပ်သီး အစည်းအဝေးတက်ရောက်ရန် အစီအစဉ်အားလုံးကို ဦးစီးဆောင်ရွက်ခဲ့သူလည်းဖြစ်သည်။ ဗိုလ်ချုပ်ကြီးမောင်မောင်ကျော်၏ ဇနီးဖြစ်သူမှာ ဒေါ်အောင်မာမြင့်ဖြစ်ပြီး ၎င်းတို့တွင် သားနှစ်ဦးရှိသည်။ ဒုတိယဗိုလ်ချုပ်ကြီးမိုးမြင့်ထွန်းစစ်ကောင်စီအဖွဲ့ဝင် ဒုတိယဗိုလ်ချုပ်ကြီးမိုးမြင့်ထွန်း စစ်တပ်တွင် အသက်အငယ်ဆုံး ထိပ်တန်းဗိုလ်ချုပ်ကြီးတစ်ဦးဖြစ်ပြီး ဗိုလ်ချုပ်မှူးကြီးမင်းအောင်လှိုင်၏ အနီးကပ်လူယုံတော်၊ အနာဂတ်တွင် တပ်မတော်ကာကွယ်ရေးဦးစီးချုပ်ဖြစ်လာမည့်သူအဖြစ်လည်း အများဆုံး ထင်ကြေးပေးခံရသူဖြစ်သည်။လက်ရှိတွင် ဒုတိယဗိုလ်ချုပ်ကြီးမိုးမြင့်ထွန်းသည် စစ်ဦးစီးအရာရှိချုပ် (ကြည်း) ဖြစ်သည်။ အဆိုပါရာထူးသည် ဒုတိယဗိုလ်ချုပ်ကြီးများအဆင့် စစ်ဆင်ရေးအထူးအဖွဲ့မှူးများရှိနေသော်လည်း တပ်မတော်၌ နံပါတ် ၄ အဆင့် အရေးပါဆုံးသော ရာထူးဟုဆိုနိုင်သည်။၁၉၆၈ ခုနှစ်တွင် မွေးဖွားသူ ၎င်းသည် စစ်တက္ကသိုလ်အပတ်စဉ် ၃၀ တက်ရောက်ခဲ့သူဖြစ်ကာ ဗိုလ်ချုပ်မှူးကြီးမင်းအောင်လှိုင်ထက် အသက် ၁၀ ကျော်နှစ်ကျော် ငယ်ရွယ်သူလည်းဖြစ်သည်။ ဒုတိယတပ်မတော်ကာကွယ်ရေးဦးစီးချုပ်ဟောင်းဖြစ်သူ ဒုတိယဗိုလ်ချုပ်မှူးကြီးမောင်အေး၏ ကိုယ်ရေးအရာရှိအဖြစ် တာဝန်ထမ်းဆောင်ခဲ့ဖူးသူ ဒုတိယဗိုလ်ချုပ်ကြီးမိုးမြင့်ထွန်းသည် ၂၀၁၇ ခုနှစ်တွင် စစ်ဦးစီးအရာရှိချုပ် (ကြည်း) အဖြစ် ရာထူးတိုးမြှင့်ခြင်းခံခဲ့ရသူဖြစ်ကာ ထိုအချိန်က အသက် ၄၈ နှစ်အရွယ်သာ ရှိသေးသည်။ ထိုအချိန်က စစ်တိုင်းမှူးများတွင် အသက်အငယ်ဆုံးဖြစ်သော မိုးမြင့်ထွန်းကို ဗိုလ်ချုပ်မှူးကြီးမင်းအောင်လှိုင်က ဒုတိယဗိုလ်ချုပ်ကြီးအဖြစ် ရာထူးအဆင့်တိုးပေးကာ တပ်မတော်တွင် လွန်စွာအရေးပါသော စစ်ဦးစီးအရာရှိချုပ် (ကြည်း) အဖြစ် ခန့်အပ်ခဲ့သည်။ ထိုမတိုင်မီက မိုးမြင့်ထွန်းမှာ နေပြည်တော်တိုင်းစစ်ဌာနချုပ် တိုင်းမှူးဖြစ်သည်။စစ်ကောင်စီအဖွဲ့ဝင်ဖြစ်သည့် ဒုတိယဗိုလ်ချုပ်ကြီးမိုးမြင့်ထွန်းသည် တပ်မတော်စစ်ဦးစီးအရာရှိချုပ် (ကြည်း) တာဝန်အပြင် စစ်ဆင်ရေးအထူးအဖွဲ့မှူး (ကစထ ၆) အဖြစ် ပူးတွဲတာဝန်ယူထားသူလည်းဖြစ်ကာ စစ်အာဏာသိမ်းပြီးနောက် ဗိုလ်ချုပ်မှူးကြီးမင်းအောင်လှိုင်သွားလေရာ အနီးကပ်လိုက်ပါရသူဖြစ်သဖြင့် တပ်မတော်အတွင်း တခြားဗိုလ်ချုပ်ကြီးများထက် ဩဇာကြီးမားသူဟု ဆိုနိုင်သည်။ဒုတိယဗိုလ်ချုပ်ကြီးမိုးမြင့်ထွန်း၏ ဇနီးမှာ ဒေါ်ခိုင်ပပချစ်ဖြစ်ပြီး ၎င်းတို့တွင် သားသမီးသုံးဦးရှိသည်။ ဒုတိယဗိုလ်ချုပ်ကြီးစိုးထွဋ် စစ်ကောင်စီအဖွဲ့ဝင် ဒုတိယဗိုလ်ချုပ်ကြီးစိုးထွဋ်သည် NLD အစိုးရလက်ထက်တွင် ပြည်ထဲရေးဝန်ကြီးအဖြစ် ဒုတိယဗိုလ်ချုပ်ကြီးကျော်ဆွေအစား ခန့်အပ်ခြင်းခံခဲ့ရသူဖြစ်သည်။ ဖေဖော်ဝါရီ ၁ ရက်နေ့တွင် စစ်အာဏာပြီးနောက် တပ်မတော်ကာကွယ်ရေးဦးစီးချုပ်က ခန့်အပ်သည့် ဝန်ကြီးများအနက် စစ်ကောင်စီလက်ထက်တွင် ဆက်လက်ခန့်အပ်ခြင်းခံရသည့် တစ်ဦးတည်းသော အစိုးရအဖွဲ့ဝန်ကြီးတစ်ပါးဖြစ်သည်။၁၉၆၀ ပြည့်နှစ်တွင် မွေးဖွားခဲ့သူ ဒုတိယဗိုလ်ချုပ်ကြီးစိုးထွဋ်သည် နဝတကောင်စီအတွင်းရေးမှူး (၂) ဗိုလ်ချုပ်ကြီးတင်ဦးနှင့်အတူ ရဟတ်ယာဉ်ပျက်ကျပြီး ကွယ်လွန်ခဲ့သူ ဗိုလ်မှူးချုပ်လွန်းမောင်၏ သားဖြစ်သည်။ ဗိုလ်သင်တန်းအပတ်စဉ် ၆၄ (OTS – 64) တက်ရောက်ခဲ့သူဖြစ်သည်။ အရှေ့ပိုင်းတိုင်းစစ်ဌာနချုပ်နှင့် အလယ်ပိုင်းတိုင်းစစ်ဌာနချုပ် တိုင်းမှူးအဖြစ် တာဝန်ထမ်းဆောင်ခဲ့ပြီးနောက် အမှတ် (၆) စစ်ဆင်ရေးအထူးအဖွဲ့မှူးဖြစ်လာခဲ့သည်။ ၎င်းကို ဗိုလ်ချုပ်မှူးကြီးမင်းအောင်လှိုင်က ၂၀၂၀ ပြည့်နှစ် NLD အစိုးရလက်ထက်တွင် ပြည်ထဲရေးဝန်ကြီးအဖြစ် အမည်စာရင်းတင်သွင်းခဲ့သည်။ ထိုအချက်က ဗိုလ်ချုပ်မှူးကြီးမင်းအောင်လှိုင်အနေဖြင့် အာဏာသိမ်းမှုကို ကြိုတင်ကြံစည်ခဲ့သည်ကို ထောက်ပြနေသော အချက်တစ်ချက်ပင်ဖြစ်သည်။ အကြောင်းမူကား စစ်အာဏာသိမ်းပြီးနောက်ပိုင်း ဒုတိယဗိုလ်ချုပ်ကြီးစိုးထွဋ်ကို ပြည်ထဲရေးဝန်ကြီးအဖြစ် ဆက်လက်ခန့်ထားခဲ့သည်သာမက ပြည်ထောင်စုအစိုးရအဖွဲ့ရုံးဝန်ကြီးအဖြစ်ပါ ခန့်အပ်ခဲ့သည်။အာဏာသိမ်းစစ်ကောင်စီ၏ အရေးပါသော ပြည်ထဲရေးဝန်ကြီးအပြင် ပြည်ထောင်စုအစိုးရအဖွဲ့ရုံးဝန်ကြီးအဖြစ်ပါ ခန့်အပ်ခြင်းခံရသူ ဒုတိယဗိုလ်ချုပ်ကြီးစိုးထွဋ်သည် ဗိုလ်ချုပ်မှူးကြီးမင်းအောင်လှိုင်၏ အထူးယုံကြည်ကိုယ်စားခြင်းခံရသူ ဗိုလ်ချုပ်ကြီးတစ်ဦးလည်းဖြစ်သည်။ ဒုတိယဗိုလ်ချုပ်ကြီးစိုးထွဋ်သည် ပြည်ထဲရေးဝန်ကြီးမဖြစ်မီက တပ်မတော်တွင် စစ်ဥပဒေချုပ်အဖြစ်လည်းကောင်း၊ စစ်ဘက်ရေးရာ လုံခြုံရေးအရာရှိချုပ်အဖြစ်လည်းကောင်း တာဝန်ယူခဲ့ရသူဖြစ်သည်။သူ၏ ဇနီးမှာ ဒေါ်နီလာစိန်ဖြစ်ပြီး ၎င်းတို့တွင် သားသုံးယောက်ရှိသည်။ ဒုတိယဗိုလ်ချုပ်ကြီးအောင်လင်းဒွေး တပ်မတော် စစ်ဥပဒေချုပ်ဟောင်းဖြစ်သူ ဒုတိယဗိုလ်ချုပ်ကြီးအောင်လင်းဒွေးမှာ အာဏာသိမ်းစစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်၏ အထူးယုံကြည်ကိုယ်စားခံရသူဟု ယူဆနိုင်သည်။ အကြောင်းမူကား အခြားသော ထိပ်တန်းဗိုလ်ချုပ်ကြီးများရှိနေသော်လည်း သူ့ကို စစ်ကောင်စီအတွင်းရေးမှူးအဖြစ် ရွေးချယ်ခန့်အပ်ခဲ့ခြင်းကြောင့်ဖြစ်သည်။၁၉၆၂ ခုနှစ်တွင် မွေးဖွားခဲ့သူ ဒုတိယဗိုလ်ချုပ်ကြီးအောင်လင်းဒွေးသည် စစ်တက္ကသိုလ်အပတ်စဉ် ၂၅ တက်ရောက်ခဲ့သူဖြစ်သည်။ ၎င်းနှင့်အတူ တစ်ပတ်စဉ်တည်း တက်ရောက်ခဲ့သူများမှာ တပ်မတော်ညှိနှိုင်းကွပ်ကွဲရေးမှူး (ကြည်း၊ ရေ၊ လေ) ဟောင်း ဗိုလ်ချုပ်ကြီးမြထွန်းဦး၊ တပ်မတော်လေ့ကျင့်ရေးအရာရှိချုပ်နှင့် လက်ရှိ ညှိနှိုင်းကွပ်ကွဲရေးမှူး (ကြည်း၊ ရေ၊ လေ)ဖြစ်သူ ဗိုလ်ချုပ်ကြီးမောင်မောင်အေးတို့ ဖြစ်သည်။တပ်တွင်း၌ နည်းဗျူဟာနှင့် စိတ်ဓာတ်စစ်ဆင်ရေးဆရာကြီးဖြစ်သူဟု နာမည်ကျော်ကြားသူ ဒုတိယဗိုလ်ချုပ်ကြီးအောင်လင်းဒွေးမှာ တပ်မတော်နည်းပညာတက္ကသိုလ်ကျောင်းအုပ်ကြီး၊ ထိုမှ အနောက်ပိုင်းတိုင်းစစ်ဌာနချုပ်တိုင်းမှူး၊ တပ်မတော်မှတ်တမ်းရုံး ညွှန်ကြားရေးမှူးချုပ်ဖြစ်ခဲ့သည်။ ထို့နောက်တွင် စစ်ဥပဒေချုပ်အဖြစ် ရာထူးတိုးမြှင့်ခံခဲ့ရသည်။အာဏာသိမ်းစစ်ကောင်စီတွင် အထူးအရေးပါလှသော အတွင်းရေးမှူးဖြစ်သူ ဒုတိယဗိုလ်ချုပ်ကြီးအောင်လင်းဒွေး၏ ဇနီးဖြစ်သူမှာ ဒေါ်ဥမ္မာမြင့်ဖြစ်ပြီး ၎င်းတို့တွင် သားတစ်ဦး၊ သမီးနှစ်ဦး ရှိသည်။ ဒုတိယဗိုလ်ချုပ်ကြီးရဲဝင်းဦးစစ်ကောင်စီတွဲဖက်အတွင်းရေးမှူးဖြစ်ပြီး တပ်မတော်၏ လက်ရှိ စစ်ဘက်ရေးရာ လုံခြုံရေးအရာရှိချုပ်လည်းဖြစ်သည်။ ၁၉၆၆ ခုနှစ်တွင် မွေးဖွားခဲ့သူ ဒုတိယဗိုလ်ချုပ်ကြီးရဲဝင်းဦးမှာ ဗိုလ်သင်တန်းအပတ်စဉ် ၇၇ (OTS – 77) တက်ရောက်ခဲ့သူဖြစ်သည်။ရန်ကုန်တိုင်းစစ်ဌာနချုပ်တွင် စစ်ဦးစီးပထမတန်း (G1) အဖြစ်လည်းကောင်း၊ တပ်မ ၁၁ တွင် တပ်မမှူးအဖြစ်လည်းကောင်း တာဝန်ထမ်းဆောင်ခဲ့သည်။ တပ်မတော်ဆေးတက္ကသိုလ်ကျောင်းအုပ်ကြီးဖြစ်ပြီးနောက် ၂၀၀၈ ခုနှစ်တွင် အနောက်တောင်တိုင်းစစ်ဌာနချုပ် တိုင်းမှူးအဖြစ် တာဝန်ထမ်းဆောင်ခဲ့သည်။၂၀၂၀ မေလတွင် ဒုတိယဗိုလ်ချုပ်ကြီးစိုးထွဋ်ကို ပြည်ထဲရေးဝန်ကြီးအဖြစ် အမည်စာရင်းတင်သွင်းခန့်အပ်ပြီးနောက် ဒုတိယဗိုလ်ချုပ်ကြီးရဲဝင်းဦးကို စစ်ဘက်ရေးရာ လုံခြုံရေးအရာရှိချုပ်အဖြစ် ဗိုလ်ချုပ်မှူးကြီးမင်းအောင်လှိုင်က ခန့်အပ်ခဲ့သည်။စစ်အာဏာသိမ်းပြီးနောက် အွန်လိုင်းမှတဆင့်ပြုလုပ်သည့် အာဆီယံထောက်လှမ်ရေးမှူးချုပ်များ၏ အစည်းအဝေးတွင် အာဏာသိမ်းစစ်ကောင်စီ တွဲဖက်အတွင်းရေးမှူးလည်းဖြစ်သူ ဒုတိယဗိုလ်ချုပ်ကြီးရဲဝင်းဦးက မြန်မာနိုင်ငံ၏ ထောက်လှမ်ရေးမှူးချုပ်အဖြစ် တက်ရောက်ခဲ့သည်။သူ၏ ဇနီးမှာ ဒေါ်နီလာဖြစ်ပြီး ၎င်းတို့တွင် သမီးတစ်ဦးရှိသည်။စစ်ကောင်စီပြင်ပ အထူးအရေးပါသော အခြားဗိုလ်ချုပ်ကြီးများ ​အာဏာသိမ်းစစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်သည် ၎င်းယုံကြည်အားထားသည့် ဗိုလ်ချုပ်ကြီးများကို စစ်ကောင်စီနှင့် တပ်မတော်ထိပ်တန်းရာထူးဌာနများတွင် ခွဲဝေနေရာချထားပေးထားဟန်ရှိသည်။ တပ်မတော်တွင် နံပါတ် ၃ အဆင့်ရှိသူ ကြည်း၊ ရေ၊ လေ ညှိနှိုင်းကွပ်ကဲရေးမှူး ဗိုလ်ချုပ်ကြီးမြထွန်းဦးကို စစ်ကောင်စီတွင် ထည့်သွင်းထားသော်လည်း တပ်မတော်၏ ထိပ်တန်းရာထူးမှ ဖယ်ရှားခဲ့သည်။ဗိုလ်ချုပ်ကြီးမြထွန်းဦး၏ နေရာကို တပ်မတော်လေ့ကျင့်ရေးအရာရှိချုပ်ဖြစ်သူ ဗိုလ်ချုပ်ကြီးမောင်မောင်အေးနှင့် အစားထိုးခန့်အပ်ခဲ့သည်။ သို့သော် ၎င်းကို စစ်ကောင်စီတွင် နေရာပေးခြင်းတော့ မရှိပေ။ ဗိုလ်ချုပ်ကြီးမောင်မောင်အေး မှာ ၂၀၁၅ ခုနှစ်ကတည်းက တပ်မတော်လေ့ကျင့်ရေးအရာရှိချုပ်ဖြစ်လာခဲ့သူဖြစ်ကာ ဗိုလ်ချုပ်မှူးကြီးမင်းအောင်လှိုင်လက်ထက်တွင် ပုံမှန်ပြုလုပ်လေ့ရှိသည့် ကြည်း၊ ရေ၊ လေ ပူးပေါင်းစစ်ဆင်းရေး လေ့ကျင့်ခန်းကြီးများကို ဦးစီးဆောင်ရွက်ခဲ့ရသူဖြစ်သည်။ဗိုလ်ချုပ်ကြီးမောင်မောင်အေးမှာ စစ်တက္ကသိုလ်အပတ်စဉ် ၂၅ တက်ရောက်ခဲ့သူဖြစ်ပြီး ၎င်းနှင့်အတူ တစ်ပတ်စဉ်တည်းတက်ရောက်ခဲ့သူများမှာ ကြည်း၊ ရေ၊ လေ ညှိနှိုင်းကွပ်ကဲရေးမှူးဟောင်း ဗိုလ်ချုပ်ကြီးမြထွန်းဦး၊ စစ်ကောင်စီအတွင်းရေးမှူး ဒုတိယဗိုလ်ချုပ်ကြီးအောင်လင်းဒွေး၊ စစ်ကောင်စီနယ်စပ်ရေးရာဝန်ကြီး ဒုတိယဗိုလ်ချုပ်ကြီးထွန်းထွန်းနောင်တို့ဖြစ်သည်။၂၀၁၀ ပြည့်နှစ်တွင် ကစထ (၆) လက်အောက်ခံ နေပြည်တော်တိုင်းစစ်ဌာနချုပ် တိုင်းမှူးဖြစ်လာပြီး ၂၀၁၅ ခုနှစ်တွင် တပ်မတော်လေ့ကျင့်ရေးအရာရှိချုပ်ဖြစ်ခဲ့သည်။ စစ်အာဏာသိမ်းပြီးနောက် ညှိနှိုင်းကွပ်ကဲရေးမှူး (ကြည်း၊ ရေ၊ လေ) ဖြစ်လာသည်။သူ့ရှေ့တွင် တပ်မတော်လေ့ကျင့်ရေးအရာရှိချုပ်ဖြစ်ခဲ့သူများမှာ ဒုတိယဗိုလ်ချုပ်ကြီးအောင်ငြိမ်းနှင့် ဗိုလ်ချုပ်ကြီးလှဌေးဝင်းတို့ဖြစ်သည်။တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်၏ မြှောက်စားမှုဖြင့် ရာထူးအတက်မြန်ခဲ့သူတစ်ဦးမှာ ပြည်ခိုင်ဖြိုးပါတီခေါင်းဆောင်ဟေင်းတစ်ဦးဖြစ်သူ ဦးအောင်သောင်း၏သား ဗိုလ်ချုပ်ကြီးမိုးအောင်ဖြစ်သည်။ ဗိုလ်ချုပ်ကြီးမိုးအောင်မှာ ရေတပ်စစ်ဦးစီးအရာရှိချုပ်ဘဝကတည်းက ဗိုလ်ချုပ်မှူးကြီးမင်းအောင်လှိုင်၏ နိုင်ငံခြားခရီးစဉ်အများစုတွင် လိုက်ပါခဲ့ရသူဖြစ်ကာ အာဏာသိမ်းပြီးနောက် ကာကွယ်ရေးဦးစီးချုပ် (ရေ) အဖြစ် ဗိုလ်ချုပ်ကြီးတင်အောင်စန်း၏ နေရာတွင် အစားထိုးခန့်အပ်ခံခဲ့ရသူဖြစ်သည်။ ဗိုလ်ချုပ်ကြီးတင်အောင်စန်းကို စစ်ကောင်စီအဖွဲ့ဝင်တစ်ဦးအဖြစ် ထည့်ထားသော်လည်း တပ်ရာထူးပေးတော့ခြင်း မရှိဘဲ ပို့ဆောင်ရေးနှင့် ဆက်သွယ်ရေးဝန်ကြီးအဖြစ်သာ ခန့်အပ်ခဲ့သည်။ ထို့အတူ ဗိုလ်ချုပ် ကြီးမိုးအောင်ကို ရေတပ်ကာကွယ်ရေးဦးစီးချုပ်အဖြစ် ရာထူးတိုးမြှင့်ပေးထားသော်လည်း စစ်ကောင်စီတွင် ထည့်သွင်းထားခြင်း မရှိပေ။ ပြည်ခိုင်းဖြိုးပါတီတွင် အမာလိုင်းအဖွဲ့ဝင် ခေါင်းဆောင်တစ်ဦးဖြစ်သူဟု သတ်မှတ်ခြင်းခံရသူ စက်မှုဝန်ကြီးဟောင်း ဦးအောင်သောင်း၏ သားကြီးဖြစ်သူမှာ တပ်မတော်တွင် ဗိုလ်ချုပ်ကြီးအဆင့်ဖြင့် ရေတပ်ကာကွယ်ရေးဦးစီးချုပ်ဖြစ်လာခဲ့သည်။ ဗိုလ်ချုပ်ကြီးမိုးအောင်မှာ စစ်တက္ကသိုလ်အပတ်စဉ် ၂၈ တက်ရောက်ခဲ့သူဖြစ်သည်။ စစ်ကောင်စီအဖွဲ့ဝင်မဟုတ်သော်လည်း အခြားအရေးပါသော ဗိုလ်ချုပ်ကြီးတစ်ဦးမှာ မျိုးဇော်သိန်းဖြစ်သည်။ ဗိုလ်ချုပ်မှူးကြီးမင်းအောင်လှိုင်၏ အနီးကပ်လူယုံတော်တစ်ဦးဖြစ်သူ ဒုတိယဗိုလ်ချုပ်ကြီးမျိုးဇော်သိန်းမှာ တပ်မတော်တွင် အရေးပါသော ထိပ်တန်းရာထူးတစ်ခုဖြစ်သည့် စစ်ရေးချုပ်တာဝန်ယူထားသည်။ ဒုတိယဗိုလ်ချုပ်ကြီးမျိုးဇော်သိန်းမှာလည်း စစ်တက္ကသိုလ်အပတ်စဉ် ၂၈ တက်ရောက်ခဲ့သူဖြစ်သည်။ တပ်မတော်ဆေးတက္ကသိုလ်ကျောင်းအုပ်ကြီး၊ ရန်ကုန်တိုင်းစစ်ဌာနချုပ်တိုင်းမှူး၊ စစ်ဆင်ရေးအထူးအဖွဲ့မှူးတာဝန်များ ထမ်းဆောင်ခဲ့သည်။၂၀၁၇ ခုနှစ်တွင် ရန်ကုန်တိုင်းစစ်ဌာနချုပ်တိုင်းမှူးအဖြစ်မှ နေပြည်တော်သို့ အမှတ် (၅) စစ်ဆင်ရေးအထူးအဖွဲ့မှူးအဖြစ် ပြောင်းရွှေ့တာဝန်ထမ်းဆောင်ခဲ့ရပြီး နောက်ပိုင်းတွင် စစ်ရေးချုပ်ဖြစ်လာခဲ့သည်။ အာဏာသိမ်းပြီးနောက် စစ်ကောင်စီက အသစ်ခန့်အပ်ခဲ့သည့် ရဲချုပ်မှာ ဒုတိယဗိုလ်ချုပ်ကြီးသန်းလှိုင်ဖြစ်သည်။ ၎င်းမှာ စစ်ကောင်စီ၏ ဒုတိယပြည်ထဲရေးဝန်ကြီးလည်းဖြစ်ပြီး စစ်အာဏာရှင်ဆန့်ကျင်ရေး ငြိမ်းချမ်းစွာဆန္ဒပြသူများကို ဖြိုခွင်းရာတွင် အဓိကအားဖြင့် တိုက်ရိုက်ပါဝင်ပတ်သက်သူ စစ်ဗိုလ်ချုပ်ကြီးတစ်ဦးပင်ဖြစ်သည်။ ဒုတိယဗိုလ်ချုပ်ကြီးသန်းလှိုင်မှာ စစ်တက္ကသိုလ်အပတ်စဉ် ၂၉ တက်ရောက်ခဲ့သူဖြစ်ကာ ယခင်က အရှေ့ အလယ်ပိုင်းတိုင်းစစ်ဌာနချုပ်နှင့် အနောက်မြောက်တိုင်းစစ်ဌာနချုပ်များတွင် တိုင်းမှူးအဖြစ် တာဝန်ထမ်းဆောင်ခဲ့သူဖြစ်သည်။လက်ရှိ တပ်မတော်တွင် အသက်အငယ်ဆုံးသော ဒုတိယဗိုလ်ချုပ်ကြီးဖြစ်သူမှာ မန္တလေးအခြေစိုက် အလယ်ပိုင်းတိုင်းစစ်ဌာနချုပ်တိုင်းမှူးဖြစ်ခဲ့သူ ကျော်စွာလင်းဖြစ်သည်။ ၂၀၂၀ ပြည့်နှစ် မေလအတွင်း စစ်ထောက်ချုပ်အဖြစ် နေပြည်တော်သို့ ရောက်ရှိလာချိန်တွင် ဒုတိယဗိုလ်ချုပ်ကြီးကျော်စွာလင်းမှာ အသက် ၄၈ နှစ်အရွယ်ခန့်သာ ရှိသေးသည်။ စစ်ထောက်ချုပ်ရာထူးမှာ တပ်မတော်တွင် အထူးအရေးပါသော ထိပ်တန်းရာထူးတစ်ခုဖြစ်ပြီး ဒုတိယဗိုလ်ချုပ်ကြီးကျော်စွာလင်းမတိုင်မီက စစ်ထောက်ချုပ်ဖြစ်ခဲ့သူများမှာ စစ်တပ်ပိုင် မြန်မာ့စီးပွားရေးကော်ပိုရေးရှင်းဥက္ကဋ္ဌ ဒုတိယဗိုလ်ချုပ်ကြီးညိုစောနှင့် ၂၀၁၅ ရွေးကောက်ပွဲတွင် ရွေးကောက်ပွဲကော်မရှင်ဥက္ကဋ္ဌလုပ်ခဲ့သူ ဒုတိယဗိုလ်ချုပ်ကြီးဟောင်း ဦးတင်အေးတို့ဖြစ်သည်။ စစ်ထောက်ချုပ် ဒုတိယဗိုလ်ချုပ်ကြီးကျော်စွာလင်းမှာ စစ်တက္ကသိုလ်အပတ်စဉ် ၃၅ တက်ရောက်ခဲ့သူဖြစ်ကာ အလယ်ပိုင်းတိုင်းစစ်ဌာနချုပ်တိုင်းမှူးမဖြစ်ခင်က စစ်ဆင်ရေးကွပ်ကဲမှုဌာနချုပ် (စကခ) တပ်မှူးဖြစ်ခဲ့သည်။ ဇနီးဖြစ်သူမှာ ဒေါက်တာနန်းကူကူးဖြစ်ပြီး ၎င်းတို့တွင် သမီးတစ်ဦးရှိသည်။

အနောက်နန်းမိဖုရား မမြကလေး၏ "သိင်္ဂါရွှေရောင်ပတ်ပျိုး" သည် သိင်္ဂုတ္တရ ကုန်းတော်အမြင့်မှနေ၍ အရပ် လေးမျက်နှာသို့ ရှုမျှော်ရာ ၌ မျက်ဝါးထင်ထင် တွေ့မြင်နေရသော ရှုခင်းအထွေထွေ၊ ရေမြေ တောတောင်၊ လျှိုမြောင်ချပ်ကြားနှင့် မြစ်ချောင်းအင်းအိုင်များကို ရှုစား၍ စာဆိုပီပီ ကုံးသီဖွဲ့နွဲ့ ထားခဲ့ခြင်း ဖြစ်ကြောင်း ကို လစိမ်းရောင်စို တောင်ညိုမြမှိုင်း၊ သီတာခွေလို့သာ ရေပတ်လည်ဝိုင်း" ဆိုသော သီချင်း တစ်ပုဒ် နှင့်ပင် လုံလောက်စွာ သိရှိနိုင်ပါသည်။

အမရပူရ နန်းတော်တွင်း၌ ယခု ယာယီ ဥက္ကလာပ စံနန်းတော်တွင်းတွင် မြ၀တီမင်းကြီး၊ ပြင်စည်မင်းသား ကြီး နှင့် အနောက်နန်း မိဖုရား မမြကလေးတို့၏ သီချင်းကဗျာ ဂီတ အဖွဲ့အနွဲ့ တို့ကို ဖတ်ရွတ် သီဆိုမှု ပြုကြ သော နန်းတွင်းသား၊ နန်းတွင်းသူတို့၏ နှုတ်ဖျားတွင် ပြည်မင်းသား၏ သီချင်းတစ်ပုဒ်ကလည်း ကြိုကြား ပေါ်ပေါက်ခဲ့ပြန်ပါသည်။

ပြည်မင်းသားသည် (သာယာဝတီ) ရွှေဘိုမင်းတရားကြီး၏ သားတော်ကြီးတစ်ပါး ဖြစ်ပါသည်။ ဥက္ကလာပ စုန်တော် မူခဲ့ရာတွင် ရေတပ်တော်ကြီး၏ ရှေ့တပ်ဦးစီး ဗိုလ်ချုပ်ကြီးအဖြစ် ခန့်အပ်တော်မူ၍ ၄င်း၏ ညီတော် ပခန်းမင်းသား အား နောက်တပ် ဗိုလ်ချုပ်၊ ဗိုလ်မှူးခန့်အပ်ပါသည်။ ခမည်းတော် ရွှေဘို မင်းတရားကြီး သည် သားတော်ကြီး ပြည်မင်းအား အလွန် ချစ်မြတ်နိုးတော်မူလှ၍ ငယ်စဉ်ကစပြီး နာမည် ကို မခေါ်ဘဲ "အစ်ကိုကြီး" ဟုသာ ချစ်စနိုး ခေါ်တော်မူလေ့ရှိပါသည်။ ပြည်မင်းသားသည် ကဗျာ ဂီတ ဘက် ၌လည်း ဝါသနာထုံတော်မူပါသည်။ မင်းတို့၌ တတ်မြောက်ကျွမ်းကျင်ရာသော လက်ရုံးရည် ဘက်တွင် သာမက နှလုံး ရည်ဘက်မှာလည်း အလေးအနက် ပြည့်ဝ ကုံလုံသော မင်းသားကြီး တစ်ပါး ဖြစ်ပါသည်။

ပြည်မင်းသားက စာဆိုတော်ချင်းချင်း သီတင်းလွေ့လွေ့ ပေါင်းဖက်တွေ့ရသူ စာဆိုဖော်၊ ကဗျာဂီတ ညှိနှိုင်း ဆွေးနွေးဖော် တို့မှာ သက်ကြီးပိုင်းမှ မြ၀တီဝန်ကြီး ဦးစ၊ ပြင်စည်မင်းသားကြီး စသည်တို့ ဖြစ်၍ ၄င်း နှင့် သက်တူရွယ်မျှထဲက ဆိုလျှင် မိထွေးတော် အနောက်နန်း မိဖုရား မမြကလေးတို့ ဖြစ်ကြပါသည်။

သို့သော် အနောက်နန်းမိဖုရား မမြကလေးမှာ ခမည်းတော် ရွှေဘိုမင်းကြီး၏ နန်းရမိဖုရားကြီးတစ်ပါးဖြစ်၍ ပြည်မင်း နှင့် အသက်အရွယ်ချင်း တူသော်လည်း မိထွေးတော် ဖြစ်နေသောကြောင့် လေးစားရပေသည်။ ထိုမျှ မက အနောက်ပိုင်းခေါ် မင်း၏မိဖုရား မောင်းမများတို့ နေထိုင် စံမြန်းကြရသော အနောက် မိန်းမပိုင်း မှာ အနောက်ပိုင်းဆိုင်ရာ အနောက်ဝန်မင်း အုပ်ချုပ်သည့် မိန်းမစိုး၊ သူငယ်တော်စသော အစောင့် အရှောက် အထိန်းအကွပ်တွေ စည်းကမ်းတွေ အလွန်ကြီးရသော နန်းတွင်း ထုံးစံအတိုင်း မင်းယောက်ျား ပိုင်း နှင့် ကူးလူးယှက်သွယ်မှု၊ ပေါင်းသင်းဆက်ဆံမှုကို ကတ္တားခြားထားသဖြင့် အရောတ၀င် နီးစပ်ခင်မင် ဆက်သွယ်မှု ကို သာမန် အရပ်သူ အရပ်သားများကဲ့သို့ လွတ်လပ်ခွင့်မရရှိပေ။

သို့ကြောင့် စာပေရေးရာ၌ ဆွေးနွေး မေးမြန်းမှု အတုံ့အလှယ် ပြုလိုသလောက် ခရီးမရောက်ခဲ့ကြဘဲ "မြလေးမေ ရေးသော သီချင်းသစ်များကို မောင်မောင် ဖတ်ရှုလို၍ ကိုယ်လုပ်တော် ရှင်မွေးတွင်ပုရပိုက် ကလေး ခေတ္တ ငှားတော်မူလိုက်စေလိုပါသည်" ... ဆိုသော ဆက်သွယ်မှုမျိုးလောက်သာရှိပါသည်။ မြကလေး ကလည်း ပြည်မင်းသားအား ရွှေဘိုမင်းတရားကြီး၏ သားတော်ကြီးဖြစ်၍ မိမိနှင့် အသက် အရွယ် ချင်း တူသော်လည်း ပြည်မင်းအား လေးစားစွာနှင့် "ပြည်ကိုယ်တော်" ဟူ၍လည်းကောင်း၊ "မောင်မောင်" ဟူ၍ လည်းကောင်း တလေးတစား အရေးထားခေါ်ဝေးပြောဆိုလေ့ရှိပါသည်။

ပြည်မင်းသား ကလည်း ရွယ်တူ ဖြစ်စေကာမူ မြကလေးဟူ၍ ရင်းရင်းနှီးနှီး မခေါ်ပိုင်၊ မိထွေး အမေကလေး နေရာ၌ ထားကာ "မြလေးမေ"ဟူ၍ "မေ"တစ်လုံး အလေးထား၍ ထည့်ခေါ်လေ့ ရှိပါသည် တဲ့။

ပြည်မင်းသား ထံမှ သူ သီကုံးထားသော ကဗျာဂီတများကို မြကလေးဖတ်ရှုစေရန် မကြာခဏ ကိုယ် လုပ်တော် ရှင်မွှေးအား စေလွှတ်ပေးပို့လေ့ရှိကြောင်း သိရှိခဲ့ရဖူးပါသည်။ ပြည်မင်းသား ရေးဖွဲ့သော သီချင်းများ အနက် အောက်ပါ ပတ်ပျိုးသီချင်းတစ်ပုဒ်ကို ထောက်ရှုခြင်းအားဖြင့်လည်း ပြည်မင်းသား၏ ပညာ ကို ရိုသေလေးစားခန့်ညားရန် တွေ့မြင်ရမည်ဖြစ်ပါသည်။

အနောက်နန်းမိဖုရား မြကလေးကလည်း အသက်အရွယ် ငယ်ငယ်၊ ချောချောလှလှ၊ ရွှေဘို မင်းတရားကြီး က သူ့ထက် "အသက်တစ်ပြန်ကြီးသူ" ဖြစ်သည်။ ရွှေဘိုမင်းတရားကြီး၏ သားတော် ကြီး ပြည်မင်းနှင့် မမြကလေး က သက်တူရွယ်တူ ဖြစ်နေရာ အနုပညာဂီတကဗျာ ဝါသနာထုံသူ နှလုံးသား ချင်းတူသူဖြစ်၍ ပြည်မင်း က မြကလေးအား ဖခမည်းတော်ကိုယ်စား သနားခြင်း၊ ညှာတာခြင်းများရှိပြီး ခမည်းတော်က မြကလေး အပေါ် ကြင်နာတော် မမူတော့သယောင် အခြေအနေတွင် တွေ့မြင် သိရှိရသော အခါ "အဖေ ကလည်း ဗျာ၊ သူ့ခမျာ သနားစရာကလေးပါ၊ ပစ်ပယ်မထားပါနဲ့" ဟု အရပ်သား သာမန်လူတန်း စား တို့လိုလည်း ပြောရဲမည် မဟုတ်လေတော့ စုတ်သပ်၍ သနားကြင်နာနေရုံမှတစ်ပါး အခြားမတတ်နိုင်ရှိခဲ့ ပါသည်။

စင်စစ် ရွှေဘိုမင်းတရားကြီးက အနောက်နန်းမိဖုရား မြကလေးကို မင်းသား ဘ၀က ရန္တပိုစာချုပ်ကိစ္စနှင့် လာရင်း ဟင်္သာတမြို့ ရောက်စဉ်၌ တွေ့မြင် ကောက်ယူတော်မူခဲ့ပြီးလျှင် အလွန်ပင် ချစ်ခင်မြတ်နိုးတော်မူ ခဲ့ပါသည်။ မင်းမျိုးနွယ်အတွင်းမှ ကိုယ်လုပ်တော်ကြီးများကိုပင် နန်းရ၊ ဆောင်ရ မိဖုရားအရာ မပေးခဲ့ဘဲ သာမန် အရပ်သူ မြကလေးအား အနောက်နန်း မိဖုရားကြီးအရာမြှောက်၍ ရတနာအစုအပုံထက်၌ ဘိသိက် သွန်းခြင်း၊ "သီရိမဟာသုတ ရတနာဒေဝီ" အမည်နှင့် ရွှေဘွဲ့ချီတော်မူပြီး ရွှေလောင်းတိုက်ကို မြို့စား ပေး သနားတော်မူခဲ့သည်။ တောင်နန်းစံ မိဖုရားခေါင်ကြီးမှလွဲ၍ မြောက်နန်းမိဖုရား အလယ်နန်း မိဖုရားကြီးများ နှင့်အတူ အနောက်နန်း မိဖုရားကြီးအဖြစ် မြှောက်စားသနားတော်မူခဲ့ပါသည်။ 

ဘိုးတော်ဘုရားတို့ကဲ့သို့ မိဖုရားကိုယ်လုပ်တော် ငါးဆယ်ကျော် မရှိသူ ရွှေဘိုမင်းသည် မိဖုရားမများပါ။ မိဖုရား ခေါင်ကြီး နှင့် နန်းရ ဆောင်ရ မိဖုရား ကိုယ်လုပ်တော်တွေ စုစုပေါင်းမှ ၁၅ ဦးမျှသာရှိသူ ဖြစ် ပါသည်။

သည်တော့ ဟိုမိန်းမတွေဆီ သွားနေရတာကြောင့် မြလေးအတွက် ရက်မရခြင်း မဟုတ်ဘဲ အသက်အရွယ် တော် ကလည်း ထောက်လာပြီဖြစ်လို့ လောကီစည်းစိမ် ချိုးနှိမ် ခြိုးခြံပြီး တိုင်းရေး ပြည်ရေး၊ သာသနာ တော် အရေး ၌ အလေးသာ၍ နေခြင်းကြောင့်လည်း ဖြစ်နိုင်သည်ဟု တစ်နည်းတစ်ဟန် ကြံဖန် သုံးသပ် ကြည့်မည် ဆို လျှင်လည်း ဖြစ်နိုင်ပါသေးသည်။

နောက်တစ်ချက် ဆွေးနွေး၍ အတွေးနယ်ချဲ့ဖို့ ကိစ္စတွေကဖြင့် မြကလေး၏ ဘ၀မှာ နာကြည်းစရာတွေ တကယ် ပေါ်ပေါက်လာရခြင်းပင်ဖြစ်ပါသည်။

ရွှေဘိုမင်းတရားကြီးသည် အသက် ၃၀ အရွယ် သာယာဝတီမင်းသားဘ၀က အနောက်နန်း မိဖုရား မမြကလေး အား ၁၁၈၈ ခုနှစ်တွင် သိမ်းပိုက်တော်မူပါသည်။ ၁၁၇၁ ခုနှစ်တွင် မွေးဖွားသူ မြကလေးသည် သာယာဝတီမင်း ကောက်ယူတော်မူစဉ်အခါက အသက် ၁၇ နှစ်မျှသာရှိပါသေးသည်။ သာယာဝတီမင်း သည် ဘကြီးတော် လက်ထက် သာယာဝတီ မင်းသားအဖြစ်နှင့် လွှတ်တက်မင်းသားကြီး အစီးအနင်း အဆောင် အရွက် ထက် လွန်ကဲ၍ အိမ်ရှေ့မင်းတို့ တာဝန်နီးနီး နိုင်ငံတာဝန် ထမ်းရွက်နေစဉ် ဖြစ်ပါသည်။

မမြကြုတ်ခေါ် မြကလေးသည် သာယာဝတီ မင်းသား၏ ကြင်ရာတော်ဘ၀၌ ပထမ သားဦးရတနာတစ်ပါး ထွန်းကား ပါသည်။ ၄င်းသားတော်သည် ငယ်စဉ်အခါကပင် ကွယ်လွန်အနိစ္စ ရောက်သွားပါသည်။ ထိုနောက် ၁၁၉၅ ခုနှစ်၊ မမြကလေး အသက် ၂၄ နှစ် အရောက်၊ သာယာဝတီမင်း၏ ကြင်ရာတော်အဖြစ် ၇ နှစ် မြောက် တွင် သမီးတော် လှိုင်မြို့စားကို ဖွားမြင်တော်မူပါသည်။

သမီးတော် ပုခက်တွင်းအရွယ်။ ထိုစဉ်က "အဖွားကြီး" ဟု ခမည်းတော်က ချစ်စနိုးခေါ်ခဲ့သော လှိုင်မြို့စား မင်းသမီး ၄ နှစ် အရွယ်သို့ ရောက်သောအခါ သာယာဝတီမင်းသည် ထီးနန်းရရှိပြီး ဘုရင်အဖြစ် ရောက်ခဲ့ ပါသည်။ ဘုရင် ဖြစ်သောအခါ အသက် ၅၀ ရှိနေပါပြီ။ ရွှေဘိုမင်းတရားဟုလည်း ခေါ်ပါသည်။ စာဆိုတော် များကမူ "ရွှေဘို ဘုန်းပွင့်ဘုရား" ဟုလည်း ခေါ်ဝေါ်သုံးနှုန်း ရေးသားလေ့ရှိကြပါသည်။

မမြကလေး အသက် ၁၈ နှစ်တွင် ရွှေဘိုမင်း အထွတ်အမြတ်ရောက်၍ အနောက်နန်း မိဖုရားအဖြစ် ရောက် သောအခါ (အရပ်သားပြော ပြောရလျှင်) အိမ်ထောင်သက် (၁၁)နှစ် ရှိခဲ့လေပြီ။ ရွှေဘိုမင်း အသက် ၄၀ အရွယ်တွင် မြကလေး အသက် ၁၇ နှစ် နှင့် အတူတကွ နေခဲ့ရသော ကာလ အပိုင်း အခြား သည်လည်း မနည်း တော့ပါ။ (၁၁)နှစ်ကာလ ကြာလေပြီ။

လှိုင်မင်းသမီးကလေးကို ဖွားမြင်ပြီးခဲ့သော နောက်ပိုင်း၌ မိဖုရားမြကလေးသည် တတိယမြောက် သားတော် ၂ ပါး အမြွှာ ညီနောင်ကို ဖွားမြင်ပြန်ပါသည်။ သို့သော် ထိုသားတော် အမြွှာ နှစ်ယောက်မှာ အသက် မရှည်၊ ငယ်စဉ်ကပဲ ကွယ်လွန် အနိစ္စ ရောက်သွားကြပါသည်။

အဲဒီမှာ တွေးစရာတစ်ကွက် ၀င်ပြန်သည်။ ပုဂံပြည်ရှင် တရုတ် ပြေးမင်း လက်ထက်၌ တရုတ်တို့ အန္တရာယ် က အလွန်ကြီးနေသည်။ နေ့၊ ည တထိတ်ထိတ် နေရသည်။ ပုဂံပြည်ရှိ ဘုရားစေတီများဖျက်၍ ခံတပ်များ လုပ်ရသည် အထိ ကိစ္စများဖြစ်ကြရသည်။ ဤတွင် သိုက်တပေါင် ကိန်းခန်းများ၌ ပုဂံပြည်ကြီးသည် "သားအမြွှာ" မင်း လက်ထက် ၌ ပျက်စီးရမည်ဟု အဟော ရှိသည်ဆို၏။

ထို့ကြောင့် ဟင်းစားကြီးပြီး၊ ဒေါသကြီးတတ်သော နရသီဟပတေ့မင်း (နောင်မှ တရုတ်ပြေးမင်း ခေါ် ပါသည်) သည် သူ့ နန်းတော်တွင်းက မိဖုရား၊ မောင်းမ၊ ကိုယ်လုပ်တော်များကို စစ်ဆေးသောအခါ ကိုယ်လုပ်တော်ငယ် တစ်ဦး တွင် မကြာမီက သားအမြွှာ အသေဖွားကြောင်း သိရသည်။ ဤတွင် သူ့ လက်ထက် မှာ ပုဂံပြည် ပျက်တော့ မည်ဟု ယုံကြည်ပြီး စိတ်ဓာတ် အလွန်ကျဆင်းသွားသည်ဟု ဆိုပါသည်။ ဒါကြောင့် ဘယ်လိုပဲ ခံတိုက်တိုက် ဖြစ်တော့မည် မထင်၍ တရုတ်တို့ မလာခင် ကြိုတင် ထွက်ပြေး ခဲ့ လေသည်။ ဒါကြောင့် နောင်အခါ ရာဇ၀င် အမည်းကွက်ထင်ရစ်ပြီး "တရုတ်ပြေးမင်း" ဆိုသော ရှုတ်ချ ဂုဏ်ထူးကြီး ကို တပ်ဆင်နေရတော့သည်။

ဒဂုန်ခင်ခင်လေး

https://m.facebook.com/story.php?story_fbid=242279050873778&id=100052750552142